Wezareta Dadê serlêdana ji bo girtiyê nexweş Mehmet Emîn Çam ku di serê wî de tumor hatiye tespîtkirin û 2 caran krîza dil derbas kiriye, ji dozgerî û dadgeriyê re şand.
Malbat û wasiyê Rêberê Gelê Kurd Abdullah Ocalan ji bo hevdîtinê serî li Serdozgeriya Komarê ya Bursayê û Midûriyeta Girtîgeha Îmraliyê dan.
Li Marmarîsê bi pileya 3.8 û li Datçayê jî bi pileya 4.4’ê erdhej çêbûn.
Li Îzmîr û Stenbolê beriya 1’ê Gulanê bi ser gelek malan de hate girtin û gelek kes hatin binçavkirin.
Endamê HDK'ê Mûrat Kalmaz diyar kir ku Abdullah Ocalan di hevdîtinên dawî de rewşa Rumên li Stenbolê jî pirsiye û ji bo banga Ocalan bigihînin hemû beşên civakê ew ê "platformên gel" ava bikin.
Di raporeke aîdî Serokatiya Daîreya TEM'ê de hat derpêşkirin ku ala, flama û amblemên gelek saziyên jin, ciwan, xwendekar û rojnamevanan aîdî PKK/KCK'ê ne.
- Ji 52 kesên di operasyona pêla duyemîn a li dijî Şaredariya Bajarê Mezin a Stenbolê de hatibûn binçkavkirin 18 jê hatin girtin.
Endamên Komîteya Amadekar ên mîtînga 1'ê Gulanê ku wê li Wanê bê lidarxistin, diyar kirin ku ew ê 1'ê Gulanê li gorî ruhê pêvajoyê pîroz bikin û gel vexwendin qadê.
Îdareya Taybet a Bajêr a Agiriyê, wesayîtên rêveberiya DEM Partiyê ji wan stend û wesayît tahsîsî Şaredariya Panosê ya AKP'î kir. Hevserokê Meclisa Giştî ya Bajêr Melîk Ozmuş, got: "Ji ber ku wesayît tahsîsî şaredatiya AKP'î kirine em nikarin xizmetê bibin gundan."
Derket holê ku Muammer Ugur ê li Şirnexê mamostetî dikir, ji ber îstîsmara zayendî ya li 4 zarokan kiriye, hatiye girtin. Danişîna doza Ugur dê di 16'ê Gulanê de bê lidarxistin.
Bi hinceta ku li Dêrsimê li ber stranên “Berxwedan xweş doz e" û "Herne Pêş" govend gerandine, 10 meh cezayê hefsê dan siyasetmedaran.
Serokkomarê Iraqê Letîf Reşîd, qanûna bajarbûna Helebceyê, erê kir.
Rêveberiya Xweser a Bakur û Rojhilatê Sûriyeyê 1’ê Gulanê Cejna Karkeran weke roja betlaneyê ragihand.
Şandeya dadgehê der heqê parêzerên dixwestin beşdarî danişîna doza revandina zaroka Êzidî bibin û negirtin eywana danişînê de serlêdana sûc kir. Parêzeran bertek nîşanî biryarê dan.