Bi hezaran kesên tev li Newroza Dîlokê bûn daxwaza azadiya fîzîkî ya Rêberê PKK’ê Abdullah Ocalan kirin. Aslan ku nirxandinên Abdullah Ocalan ên di Newrozên berê de parve kir, wiha got: “Em ê heta dawiyê li dijî tecrîdê têbikoşin.”
Di Newroza Stenbolê de ku bi sed hezaran kes tev li bûne, posterê Rêberê PKK’ê Abdullah Ocalan hate vekirin.
Hevserokê Giştî yê DBP’ê Keskîn Bayindir di Newroza Wanê de axivî û wiha got: “Gelê kurd ji bo azadiya birêz Ocalan li ser pêya ye. Gelê kurd daxwaza azadiya fîzîkî ya Rêberê xwe dike.” Hevseroka Giştî ya DEM Partiyê Tulay Hatîmogûllari jî wiha got: “Pirsgirêka kurd pirsgirêka statûyê ye û divê were çaresekirin.”
Parlamentera DEM Partiyê Pervîn Buldan di pîrozbahiya Newroza Şirnexê de axivî û diyar kir ku tecrîda li Îmraliyê ne tenê li ser Rêberê PKK’ê Abdullah Ocalan e di heman demê de li ser aştî û refaha welêt e û wiha got: “Divê ev tecrîd tavilê bê rakirin.”
Bi hezaran kesên li quntarê Çiyayê Simbî yê Colemêrgê hatin gel hev, dest bi pîrozbahiya Newrozê kirin.
Di Newroza Wanê de bi sed hezaran kes tev li bûne de peyama Rêberê PKK’ê Abdullah Ocalan a di demên berê de hate xwendin.
Newroza Îzmîrê li Qada Gundogdûyê bi tevlibûna hezaran kesan dest pê kir.
Ji bo pîrozbahiya Newroza Stenbolê bi sedhezaran kes ji saetên serê sibehê yên zû ve herikîn Qada Yenîkapiyê. Li qadê dirûşma “Bijî Serok Apo” olan dide û coşa gel her ku diçe zêdetir dibe.
Bi sed hezaran kesên qada Newrozê ya Wanê tije kirin bi dirûşma “Bijî Serok Apo” daxwaza azadiya fîzîkî ya Rêberê PKK’ê Abdullah Ocalan kirin.
MED TUHAD FED'ê kongreya xwe ya 3’yemîn li dar xist. Di kongreye de bal kişandin ser têkoşîna girtîgehan û wiha hate gotin: “Kes nikare meşa me asteng bike.”
Hevseroka KCD’ê Leyla Guven ji “Konferansa Aştiyê” re nameyek şand û wiha got: “Ji bo pêvajoyeke çareseriyê ya bi muxatabên rasteqîn re dest pê bike, divê kesên aştî û xwişk-biratiya gelan dixwazin zêdetir dengê xwe derxînin.”
Newroza Edeneyê dê di 24’ê adarê de li Şanoya Servekirî ya Mîmar Sînanê were pîrozkirin. Komîteya amadekar ji bo “mezinkirina agirê Newrozê” tevahiya xelkê bajar vexwend Newrozê.
Welatiyên ku li Osmaniyeyê hatin gel hev agirê Newrozê bi coşeke mezin vêxistin. Parlamenterê DEM Partiyê Alî Bozan li vir bang kir û wiha got: “Çareserkirina pirsgirêka kurd, bi hevdîtinên bi birêz Abdullah Ocalan re pêkan e.”
Bi hezaran kes li navçeyên Agirî û Rihayê herikîn qada Newrozê. Li qadên Newrozê dirûşmên “Bijî Serok Apo" olan dide.
Welatiyên Qada Ergene ya Newrozê ya li Tekîrdagê tije kirin dest bi gerandina govenda Newrozê kirin.