Di pîrozbahiya Newrozê ya li navçeyên Peyas û Bajarê Nû hate kirin de bal kişandin ser çalakiya greva birçîbûnê ya li girtîgehen berdewam dike û bi dirûşmeyên “Bijî Serok Apo” Newroz hate pîrozkirin.
Li Sêrtê agirê Newrozê yê ewil hat pêxistin û li kolanan dirûşmeya “Bijî Serok Apo” olan da.
Li navçeya Silopiyayê jinan bi meşaleyan Newroz pîroz kirin.
Partiyên siyasî û rêxistinên ku di Newroza Yenîkapiyê ya bi sed hezaran kes beşdar bûn de axivîn gotin “Niha dem dema azadiyê ye” û li dijî desthilatê peyama têkoşîna bi hev re dan.
Şaredariya Dîcleyê ya AKP’î destûr neda ku DEM Partî mala şînê ya aydê şaredariyê ji bo mewlîda ji ber meha Remezanê bide, bikarbîne.
Pêkhateyên Rêveberiya Xweseriya Demokratîk a Herêma Bakur û Rojhilatê Sûriyayê agirê Newroza 2024ˊan pêxist û bang li gel kirin ku tev li Newroza ku dê li bajarok, navçe û bajaran were pîrozkirin bibin.
Li navçeyên Pirsûs û Xelfetiya Rihayê, navçeyên Stewr, Kerboran, Şemrex û Dêrîkê û li navçeya Bismil a Amedê agirên Newrozê hatin pêxistin. Di peyamên ku li qadên Newrozê hatin dayîn de bang li desthilatê hat kirin ku di zûtirîn demê de bi Abdullah Ocalan re dest bi muzakereyan bike û anî ziman ku Newroz wê îsal aştî û azadiyê bîne.”
Hevberdevka HDK’ê Esengul Demîr di Newroza Stenbolê de axivî û got ku divê Abdullah Ocalan ji hêla fîzîkî ve azad bibe. Hevserokê Giştî yê DEM Partiyê Tuncer Bakirhan jî got: “Nifteya çareseriya pirgirêka kurd, li Îmraliyê ye.”
Çîçek Otlû di Newroza bicoş a Kocaeliyê de axivî û wiha got: “Li dijî vê rejîma ku me tune dihesibîne û qetil dike; bijî azadî, bijî Newroz.”
Li Wanê piştî pîrozbahiya Newrozê bi tev li bûna deh hezaran kesan ber bi navendê ve meş hat lidarxistin.
Agirê Newroza Colemêrgê li quntarê Çiyayê Simbî bi dirûşma “Bijî Serok Apo” hat vêxistin û peyama “Hûn dê li ser vê xakê tu serên tewandî nebînin” hate dayîn.
Hevserokê KCD’ê Berdan Ozturk di pîrozbahiya Newroza Şirnexê de bangî deh hezaran kesan kir û da zanîn ku dê ji bo azadiya fîzîkî ya Rêberê PKK’ê Abdullah Ocalan têbikoşin.
Newroza Wanê ku bi tevlibûna bi sed hezaran kes hat pîrozkirin, bi gerandina govendan bi dawî bû.
Rahşan Demîrel a di Newrozê de agir berdabû bedena xwe, li ser gora xwe hate bibîranîn.
Hevseroka Giştî ya DBP’ê Çîgdem Kiliçgun Uçar di Newroza Îzmîrê de axivî û got ku dê xwedîderketina wan a li deklarasyona Newroza 2013’an a Rêberê PKK’ê Abdullah Ocalan bidome. Hevberdevkê HDK’ê Cengîz Çîçek jî wiha got: “Bila dost û dijmin her kes baş bizane ku dê ev Newroz bibe Newroza azadiya birêz Ocalan.”