Hevseroka Giştî ya DEM Partiyê Tulay Hatîmogûllari li cihê çalakiya rûniştinê ya li dijî darbeya qeyûm hat destpêkirin daxuyanî da û got, "Tişta girîng li vî welatî erêkirina gel e. Ger we xêr ji qeyûman dîtiba hûn li herêmê ewqasî nediheliyan."
Piştî qeyûm tayînê şaredariya Colemêrgê bû li ber şaredariyên DEM partiyê çalakiya nobetê hat destpêkirin û di roja duyemîn de çalakî didomin.
Çalakiya nobeda edeletê ya Emîne Şenyaşar ya li ber wezareta dadê di roja 123’emîn de didome. Serokê giştî yê CHP’ê Ozgur Ozel çû serdana Emîne Şenyaşar û got: “Ez ligel wê me. Têkoşîna dayikek dilşewat, perîşan û westandî nîşan dide ku çiqas xurt û bi bandore.
Malbatên girtiyên di greva birçîbûnê de, ji bo esasgirtina daxwazên wan bang kirin.
Li Mêrsînê ji 12 kesên pêr hatibûn girtin 6 hatin girtin.
Bi îdiaya “rêveberê rêxistinê ye” ceza li Hevşaredarê Colemêrgê Siddik Akiş hat birîn, di çarçoveya heman dosyeyê de li siyasetmedarên din jî ceza hat birîn.
Dadgeha Bilind cezayê li Hevseroka HDP’a Amedê ya berê Hulya Alokmen ku hatibû birîn xera kir. Di danişîna ji nû ve hat lidarxistin de Alokmen hat tehliyekirin.
Endamên TAYAD’ê yên li dijî tecrîda li girtîgehan çalakî li dar xistin bi êrişa polîsan hatin binçavkirin.
Hevserokê Giştî yê DEM Partiyê Tuncer Bakirhan û siyasetmedar Leyla Zana gihîştin Colemêrga ku berxwedana gel a li dijî tayînkirina qeyûm û girtina hevşaredar berdewam dike.
Zeynep Han Bîngol û Sedef Demîr ên ji Girtîgeha Jinan a Sîncanê hatin berdan, bal kişandin ser çalakiyên li girtîgehan berdewam dikin û destnîşan kirin ku divê zêdetir xwedî li girtiyan derkevin.
Hevşaredarên DEM Partiyî di hilbijartinên Yekitiya Şaredariyên Tirkiyeyê de qeyûm şermezar kirin.
Piştî li Colemêrgê xwepêşandanên şermezarkirina qeyûm û girtina hevşaredar Siddik Akiş zêde bûn, avahiya Edliyeya Colemêrgê bi polîs û leşkeran hat dorpêçkirin.
Dikandarên Colemêrgê bi armanca qeyûm û cezayê li hevşaredar Siddik Akiş hate birîn şermezar bikin derabeyên dikanên xwe girtin.
Li Wan û Konyayê li dijî tayînkirina qeyûmê ser Şaredariya Wanê daxuyanî hat dayîn û hat destnîşankirin ku îrade û hebûna gelê kurd tune tê hesibandin û hevşaredar Siddik Akiş îradeya bi milyonan gelê kurd e.
Li Hevşaredarê Colemêrgê Mehmet Siddik Akiş 19 sal û 6 meh cezayê hefsê hate birîn. Li ser vê yekê li bajêr dîsa protestoyan dest pê kir. Hevseroka Giştî ya DEM Partiyê Tulay Hatîmogûllari wiha got: "Qesrê li dijî gel şer îlan kir. Darbeya AKP'ê hate tomarkirin."