Çalakiyên Nobeta Edaletê yên bi daxwaza “Ji Abdullah Ocalan re azadî, ji pirsgirêka kurd re çareserî” hatine destpêkirin, di roja 100’emîn de ne. Malbatên girtiyan wiha gotin: “Sed sal jî derbas bibin em ê dest ji azadiya Ocalan bernedin.”
Dirûnkarên ku kiras û fîstanan Newrozê amade dikin û bênavber dixebitin diyar kirin ku coşa Newrozê guh nade krîza aborî.
Pîrozbahiyên Newrozê ku bi milyonan digihîne hev, her serdemê di rûpela ewil a rojnameyan de cih girt. Çapemeniya Azad peyamên çareseriyê yên ji qadan derketin kirin manşet, medyaya sereke jî li gorî ruhê serdemê rengê xwe guherî.
Rojnameger Îbrahîm Karakaş ku demek berê ji Girtîgeha Tîpa F a Kurkçulerê hatibû berdan diyar kir ku girtiyên siyasî di çalakiya greva birçîbûnê ya bi daxwaza azadiya fîzîkî ya Rêberê PKK’ê Abdullah Ocalan dane destpêkirin de bibiryar in.
Ji bo mîtînga Serokkomarê AKP’î Tayîp Erdogan ji gelek navendan bi otobosan welatî ber bi navenda Şirnexê ve tê veguhestin.
Şaredariya Bajarê Mezin a Amedê ji bo amûrên weke al, lênûs, pênûs, çente û vexwendnameyan û wesayîtên danasîn û reklamê bi bihayê 44 milyon û 815 hezar û 460 TL îhale li dar xist.
Mehmet Ayas ê di Girtîgeha Tîpa S a Antalyayê de tê ragirtin, têkildarî grevên birçîbûnê axivî û wiha got: “Li hemberî polîtîkayên têkbirinê divê em berxwedanê gur bikin.”
Serokê Partiya Tevgera Kedkar Hakan Ozturk diyar kir ku dê li hemberî “Dehaqên hemdem” li cem têkoşîna gelê kurd cih bigirin û di vêxistina meşaleya agirê Newroza îsal de dê bi hev re bin.
Çalakiya greva birçîbûnê ku girtiyên siyasî bi daxwaza azadiya fîzîkî ya Rêberê PKK’ê Abdullah Ocalan û çareserkirina pirsgirêka kurd daye destpêkirin di roja 108’emîn de berdewam dike.
Rojnameger Silêman Ehmed ku 141 roj berê ji hêla asayîşa PDK’ê ve hate revandin û ev bû 141 roj tu agahî jê nayên girtin.
Eşîra Cafiran ku di hilbijartinên berê de dengê xwe dabû AKP'ê, diyar kir ku ew ê di hilbijartinên herêmî de piştgiriyê bidin DEM Partiyê. Ji mezinên eşîrê Hacî Mistefa Saltan got "Nabe ku tu kes me parçe bike" û bang li her kesî kir ku piştgiriyê bidin DEM Partiyê.
Li Kurdistan û Tirkiyeyê yek ji namzetên şaredariyê yên herî ciwan Berfîn Evren diyar kir ku hikûmet û alîgirên wê dixwazin jinan ji siyaset, civak û her tiştî dûr bixin û got, “Partiya DEM’ê li dijî vê pergala temsîliyeta wekhev pêş xist. Felsefeya 'Jin Jiyan Azadî' gelek bandor li min kir û ez hatim DEM'ê. Em ji bo çareseriyê tên.”
Ebû Mûslûm Dogan (18) ku di sala 2010’an de li dijî komploya li dijî Rêberê PKK’ê Ocalan dawî li jiyana xwe anî, di nameya xwe de wiha gotibû: “Divê roj bibe roja azadiya Rêbertiyê." Dayika wî Zax Doganê bal kişand ser xwestekên kurê xwe û xwest tecrîd bê rakirin.
Li Kadikoyê namzetên heveşaredairyê yên DEM Partiyê jî dı nav de gelek kesên ku belavokên Newrozê belav kirin hatin binçavkirin.