Namzeta hevşaredariyê ya DEM Partiyê ya Bajarê Mezin a Enqereyê Gultan Kişanak peyamek şand û wiha got: "Li paytextê xizmet tune ye, vîzyon tune ye, mîsyon tune ye. Her ku namzet sozan didin xwe bêhtir dihetikînin."
Girtiyê bi navê Feyyaz Başak ku li Girtîgeha Hejmar 2 ya bi Ewlekariya Bilind a Xarpêtê tê ragirtin, da zanîn ku girtiyên dikevin greva birçîbûnê de hucreyê de tên ragirtin û banga hestiyariyê li raya giştî kir.
Huseyîn Beyoglû yê AKP’î ku YSK’ê tayînî Şaredariya Rezanê kiribû û navê wî bi talan, bertîl û nelirêtiyan di rojevê de ye, ji ewil dişa xwe weke cîgira şaredar tayîn kiribû û niha jî kurê xwe weke xebatkar girt şaredariyê.
Ji Komîteya Amadekar Abdulkadîr Gul, diyar kir ku li navçeya Depê ya ku dê starta pîrozbahiyên Newrozê lê bê dayîn amadekarî xelas bûne û wiha got: “Em bang li gelê xwe dikin ku bên azadiyê qîr bikin.”
Di doza “Akademiya KCK’ê” de ku rojnameger Haydar Ergul û 15 kes tên darizandin de li şahidên nepen hate guhdarîkirin.
Parêzerên Bûroya Hiqûqê ya Sedsalê ji bo hevdîtina bi miwekîlê xwe Rêberê PKK’ê Abdullah Ocalan ku 36 meh in tu agahî jê nayên girtin, serî li Serdozgeriya Komarê ya Bursayê û Midûriyeta Girtîgeha Îmraliyê dan.
Newroza îsal dê li 57 navendan û li sedan cihan bi dirûşma “Rabe dema azadî û serkeftinê ye" bê pîrozkirin. Li Stenbolê agirê Newrozê yê ewil li Taxa Karadenîz a navçeya Gazîosmanpaşayê hat vêxistin.
Rêveberiya Girtîgeha Edîrneyê sepana derxistina solê li Selahattîn Demîrtaş ferz kiribû. Piştî hevditinan, ev biryar hat betalkirin.
Siyasetmedar, rewşenbîr û rojnameger jî di nav de gelek kes li Êlihê ji hêla Hîzbûlkontrayê ve hatibûn qetilkirin. Yek ji şahidên wê demê Hevserokê DEM Partiyê yê Êlihê Mûstafa Mesût Tekîk anî ziman ku gelemperiya kesên hatine qetilkirin esnaf, ajokar, mele û rojnameger bûn. Tekîk, wiha got: “Bila kes ne li wê bendê be ku em van ji bîr bikin.”
Ji bo hilbijartinê demekî kin ma ye û di demekî wiha de waliyê Şirnexê Cevdet Atay dest bi belavkirina alavên malê û xurekan kir. Parlamenterê DEM Partiyê Zekî Îrmez bertek nîşan da û wiha got: “Walî, qeymeqam, fermandarên leşkeriyê weke serokên AKP’ê dixebitin."
Ji bo Newroza ku dê di 17’ê adarê de li Kocaeliyê were pîrozkirin amadekarî didomin. Endamê Komîteya Amedekar Nûrî Tan, anî ziman ku di Newrozê de dê bersiva tecrîdê û qeyûman were dayîn û herkes vexwend Newrozê.
Çalakiya ajokarên TIR’an a ji ber kêmbûna kirêya veguhestinê li Parka TIR’an a Walîtiyê dane destpêkirin di roja 6’emîn de berdewam dike.
DEM Partî ji bo qeydên hilbijêrên bitevger ku dê serlêdana wan di 27’ê adarê de bidawî bibe, sepana kareqodê amade kir. Hilbijêr dikarin li ser sepanê serlêdanê bikin.
Rojnameger Silêman Ehmed ku 142 roj berê ji hêla asayîşa PDK’ê ve hate revandin û ev bû 142 roj tu agahî jê nayên girtin.
Çalakiya greva birçîbûnê ku girtiyên siyasî bi daxwaza azadiya fîzîkî ya Rêberê PKK’ê Abdullah Ocalan û çareserkirina pirsgirêka kurd daye destpêkirin di roja 109’emîn de berdewam dike.