Şahidên Newroza 1992’yan ya li Şirnexê ku gelek kes lê hatibûn qetilkirin, destnîşan kirin ku tevî hemû qedexe û astengiyan dest ji pîrozbahiyê bernedan û wiha gotin: “Newroz ji bo me ziman e, nasname ye û çand e.”
Rûspiyên ji bo DEM Partiyê li navçeya Qilebanê bi şev û roj xebatan dimeşînin diyar kirin ku dê di hilbijartinên 31'ê Adarê de li dijî nelirêtiyan li ser sindoqan de cihê xwe bigirin û wiha got: "Em ê nehêlin ku rayeke me jî bê dizin."
Çalakiya greva birçîbûnê ku girtiyên siyasî bi daxwaza azadiya fîzîkî ya Rêberê PKK’ê Abdullah Ocalan û çareserkirina pirsgirêka kurd daye destpêkirin di roja 111’emîn de berdewam dike.
Rojnameger Silêman Ehmed ku 143 roj berê ji hêla asayîşa PDK’ê ve hate revandin û ev bû 144 roj tu agahî jê nayên girtin.
Selamî Ustundag ê li Girtîgeha Girtî ya Tîpa S ya Kavakê di greva birçîbûnê de ye ragihand ku rastî îşkenceyê hatiye. Malbata Ustundag got: "Em ji jiyana zarokê xwe bi fikar in."
Parêzera norwecî Kjell Byrgfjeld îşaret bi wê yekê kir ku bêpêwendiya mutleq a li Îmraliyê ji qanûnên navxweyî yên Tirkiyeyê tê û got: “Li gorî nêrîna parêzeran ev rewşeke wiha ye ku nayê qebûlkirin. Di vî warî de daxilkirina nava rojeva cîhanê bivênevê ye."
Bi pêşengiya DEM Partiyê li Sûrên Amedê bi meşale û erbaneyan Newroz hat pîrozkirin.
Li Osmaniyeyê ji ber parvekirinên li ser medyaya sanal ji 7 kesên sewqî dadgehê hatin kirin 3 jê bi îdiaya "endamtiya rêxistinê" hatin girtin.
Rêxistina DEM Partiyê ya Enqereyê, daxuyaniya namzetê şaredariyê yê Şaredariya Balayê yê AKP'î Ahmet Bûran ku gotibû dê hilbijêrên DEM Partiyê piştgiriya wî bikin, derewand û got: "Em ne muxatabê van tawanbariyên kirêt in. Buxtanên li partiya me tên kirin, bi temamî bermayên xeyalî ne."
Komîteya Amadekar a Newroza Îzmîrê li Kadifekaleyê ku Rahşan Demîrel bi bedena xwe agirê Newrozê gur kiribû, starta Newrozê da û got: "Bijî Newroz, bijî Kawal, bimire Dehaq."
Beşdarvan û çalakvanên Nobeta Edaletê bal kişandin ser amadekariyên şer ên dewleta tirk û diyarkirin ku şer dê bi gelên Tirkiyeyê bide windakirin û îşaret li çareseriya pirsgirêka kurd a demokratîk kirin.
Eşîra Cafîriyan a li Şirnexê diyar kirin ku dê di hilbijartinê de piştgiriyê bidin DEM Partiyê û bi girseyî çûn serdana DEM Partiyê.
Li Osmaniyeyê yek jê zarok, 7 ciwan hatin binçavkirin.
Di danişîna doza têkildarî êrişa li dijî malbata Şenyaşar hatiye vekirin de Fadil Şenyaşar ê nêzî 6 sal in di hucreyeke yek kesî de tê ragirtin nehate berdan û danişîn taloqî 7’ê Hezîranê hate kirin.