Têkildarî ferzkirina lêgerîna tazî ya li Mucella Yapici û keça wê yên di dema çalakiyên Geziyê de hatibûn binçavkirin hatibû kirin doz hatibû vekirin. Di danişîna dozê de derbarê 3 polîsan de ji sûcê “peywîra xwe nebaş kirine” ceza hate xwestin.
Li gelek bajaran ji bo mitînga ku dê bi dirûşma “Şaredarî yên gel in em ê destûr nedin bên xespkirin” li Colemêrgê bê lidarxistin banga tevlibûnê hatin kirin.
Zarokê sûriyeyî yê 12 salî ku li Edeneyê di atolyeya tekstîlê de dihat xebitandin, ji asansorê kete xwarê û jiyana xwe ji dest da.
Serokê Giştî yê MHP’ê Devlet Bahçelî pêvajoya hilbijartinê ya Bakur û Rojhilatê Sûriyeyê hedef girt û xwest li şaredariyên DEM Partiyê qeyûm were tayînkirin.
Dozger ê di doza Metîn Lokûmcû de mutalaya xwe aşkere kir, xwest ku 13 polîsên bersûc cuda cuda bên beraetkirin.
Siyasetmedarên li Amedê hatin binçavkirin sewqî edliyeyê hatin kirin. Di îfadeya li emniyetê de pirsên weke “Kurdistan ku dere?” û “Roboskê ku dere?” hatin kirin.
Li gorî rapora ÎSÎG’ê ya der barê xebitandina zarokan de ku hatiye amadekirin; ji sala 2013’an vir ve herî kêm 695 zarok di cînayetên kar de mirin e.
Li dosyaya ku rojnamevan Abdûrrahman Gok jê tê darizandin, beyanên şahidê nepen ê beriya niha li dijî 16 rojnamevanan îfade dabû hatin zêdekirin.
Parêzerên Buroya Hiqûqê ya Sedsalê ji bo hevdîtina bi miwekîlê xwe Rêberê PKK’ê Abdullah Ocalan re ku 39 meh in tu agahî jê nayên girtin, serî li Serdozgeriya Komarê ya Bursayê û Midûriyeta Girtîgeha Îmraliyê dan.
“Meşa Demokrasiyê” ya li dijî tayînkirina qeyûm li Geverê di roja duyemîn de berdewam kir. Parlamenter Serhat Eren got wê îradeya gel bi ser bikeve û berxwedana wan li her deverê bidome.
Li navçeya Geverê operasyona leşkerî hatibû destpêkirin û ketina 2 gund û zozanên operasyon lê hatiye destpêkirin hate qedexekirin.
Meşvanên ji bo demokrasiyê li dijî qeyûm dimeşin diyar kirin ku qeyûm tenê ne pirsgirêka Colemêrgê ye ya hemû Tirkiyeyê ye û banga beşdariya mitînga li Colemêrgê kirin û xwestin heta ku qeyûm biçe her kes têbikoşe.
Danişîna doza Hevşaredara Sêrtê Sofya Alagaş hat lidarxistin. Di danişînê de ku Alagaş ji ber xebatên rojnamegeriyê tê darizandin û biryara qedexeya derketina derve nehat betalkirin.
Tê payîn ku di danişîna doza cînayeta Tahîr Elçî de ku hemû daxwazên lêkolînkirina delîlan hatibû redkirin dê sibê biryar bê dayîn. Serokê Baroya Amedê Nahît Eren wiha got: “Dosya ne di asta biryardayînê de ye. Heta ku guman ji holê neyên rakirin biryar nikare were dayîn.”
Parlamenterê CHP’ê Sezgîn Tanrlikûlû nerazîbûn nîşanî israra AKP’ê ya tayînkirina qeyûman da û got: “Hem di siyasetê de bûye partiya duyemîn hem jî radibe polîtîkayên rageşiyê bi rê ve dibe. Heke îktidar bi xwe bawer e bila sindoqan deyne.”