DEM Partiyê ji bo tespîtkirina qedexeyên li ser zimanên derveyî tirkî û lêçûnên civakî yên ji bo zimanên dayikê yên qedexekirî û çareserkirina pirsgirêkan, bi pêşnûmeyekê xwest di bin sîwaneya Meclisê de komîsyona lêkolînê bê avakirin.
Di çalakiyên Nobeta Edaletê yên li gelek bajaran berdewam dikin de bi boneya Roja Zimanê Dayikê ya Cîhanê bal kişandin ser polîtîkayên bişaftinê.
Hevserokê Daîreya Têkiliyên Derve yê Bakur û Rojhilatê Suriyeyê Bedran Çiya Kurd tekildarî 21'ê Sibatê Roja Zimanê Dayikê ya Cihanê peyamek weşand. Çiya Kurd bal kişand ser rêveberina pir zimanî ya Neteweya Demokratîk û ev tişt gotin: "Li Bakur û Rojhilatê Suriyeyê her netew bi zimanê xwe perwerde dibîne."
Endamên “Delegasyona Navneteweyî ya Ji Pirsgirêka Kurd re Çareserî û li Dijî Tecrîdê” ya li Stenbolê têkildarî hevdîtinên xwe daxuyaniyê dan, wiha gotin: “Em derbarê dosyayên ku parêzerên Ocalan pêşkeşkirine de ji CPT’yê bersivê dixwazin.”
Xebatên lêgerîn-rizgarkirinê yên ji bo karkerên madenê yên li Licikê di bin hezazê de mabûn hatin sekinandin.
Endama Meclisa Dayikên Aştiyê Dilşah Ozgen a 89 salî ji bo xêrê bike konteynirek danî goristana ku lawê wê lê veşartî. Ji Ozgen û 7 kesên ku konteynir bar kirin, veguhestin û montajkirin re ji sûcê “alîkariya rêxistinê” 2 sal û mehek cezayê hefsê hate birîn.
Hevserokên Giştî yên DEM Partiyê Tulay Hatîmogûllari û Tuncer Bakirhan bi sernavê “Em perwerdeya bi zimanê dayikê dixwazin” bi 6 zimanan name ji UNESCO’yê re şandin.
Şandeya “Delegasyona Navneteweyî ya li Dijî Tecrîdê” çû serdana xizmên girtiyan ên di Nobeta Edaletê de.
BMG’ê li dijî tecrîda li ser Rêberê PKK’ê Abdullah Ocalan li gelek cihan pankarta “Li dijî tecrîdê rabe ser piyan” daliqand.
Girtiya nexweş Muhlîse Karaguzel ji ber pirsgirêkên xwe yên giran ên tenduristiyê rakirin nexweşxaneyê û înfaza wê ji bo 3 mehan hate taloqkirin.
Endamê MYK’ê û Hesabgirê Giştî yê HDP’ê yê berê Omer Onen hate berdan.
Di Doza Geziyê ya jinûve hate lidarxistin de biryara şertên kontrola edlî ya Mucella Yapici, Alî Hakan Altinay û Yîgît Alî Ekmekçî hate rakirin.
Di doza Apartmana Gozdeyê de ku 25 kesan jiyana xwe ji dest dabûn, hemû daxwazên parêzeran hatin redkirin.
Girtiyê bi navê Mehmet Kûrt ê ku têkildarî binpêkirinên mafan ên li girtîgehan bi telefonê bi malbata xwe re axivî, diyar kir ku ji ber di sewqa nexweşxaneyê de lêgerîna nava dev li wan tê ferzkirin neçûne nexweşxaneyê û di heman demê de li cem girtiyên FETO û edlî tên ragirtin.
Piştî hevdîtinên dewleta tirk ên li Iraq û Herêma Federe ya Kurdistanê, artêşa Iraqê ber bi çoltarê Dihokê ve sewqiyata leşkerî kir.