Namzetên hevşaredariyê yên DEM Partiyê yên Qilebanê diyar kirin ku dê gel di 31'ê Adarê de bersivê bide kesên ku vîna gel desteser dikin û gotin: "Em ê di sindoqê de şeqameke wisa li van bixin ku êdî şerim bikin ku li Qilebanê bikevin hilbijartinê. Em ê şaredariya xwe diyarî hevalê Ehmed Gun bikin."
SOHR’ê ragihand ku DAIŞ’ê li başûrê Dêrezorê êrişî kesên ku kuvark berhev dikirin kirin û di encama êrişê de 18 kes hatin kuştin.
Li navçeya Akdenîz a Mêrsînê kesekî rûpoş êrişî buroya hilbijartinê ya DEM Partiyê kir.
Amedsporê li deplasmanê Isparta 32spor 2-0 têk bir.
Namzeta Şaredariyê ya Afyonê ya CHP’î Bûrcû Koksal di vekirina navenda koordinasyona hilbijartinê ya partiya xwe de DEM Partî hedef girt û wiha got: “Dema ku ez hatim hilbijartin ji bilî DEM Partiyê, dê deriyê şaredariyê ji hemû partiyan re vekirî be.”
Di çalakiya Nobeta Edaletê ya li gelek bajaran berdewam kir de daxwaza azadiya fizîkî ya Abdullah Ocalan hate kirin. Hevserokê Giştî yê DBP’ê Keskîn Bayindir ê li Êlihê serdana çalakiyê kir, anî ziman ku têkoşîna dayikan bêdengiya li civakê ji holê rakir.
Li Pirsûsê binçavkirinên îro li navçeyê hatine kirin hatin protestokirin û wiha hate gotin: “Îktîdar û darazê li Pirsûsê starta hilbijartinê dan."
Şandeya Dadgehê di doza cînayeta Tahir Elçî de daxwazên parêzeran red kir û ji bo amadekirina mutalaayê cara dawî dem da dozger.
Walîtiya Xarpêtê li meqamê xwe malovaniya Mehmet Agar ê ku weke berpirsyarê kuştinên kiryarên nediyar tê nîşandan kir.
Kujerê Hrant Dînk, Ogun Samast di dozê de pêvajoya ber bi cînayetê ve diçû vegot. Samast, got ku ji bersûcan Yasîn Hayal jê re gotiye; “Netirse, li pişt me dewlet heye.”
Lêkolîna MetroPOLL’ê encama anketa xwe ya meha sibatê parve kir. Li gorî anketê dengên AKP'ê kêm dibin, yên DEM Partiyê zêde dibin.
Hevberdevkên Komîsyona Hiqûq û Mafên Mirovan a DEM Partiyê diyar kir ku îtîrazên wan ên têkildarî 54 hezar hilbijêrên veguhestî nehatine qebûlkirin û dan zanîn ku walî û qeymeqam di nav xebatên hilbijartinê yên AKP’ê de cih digirin.
Di serdegirtinên malan ên li Stenbolê de welatiyên bi navên Ramazan Ozdemîr û Hamiyet Furan hatin binçavkirin. Hat zanîn ku bavê Furan, Cengîz Furan rastî heqaret û miameleya xerab a polîsan hat.
Girtiyê bi navê Halîl Mûratoglû ku li Girtîgeha Tîpa S a Samsunê tê ragirtin, da zanîn ku rastî binpêkirinên weke lêgerîna tazî, hejmartina li ser pêyan û cezayên hucreyê yên keyfî tên û banga hestiyariyê li raya giştî kir.