Namzetên Hevşaredariyê yên DEM Partiyê yên Amedê Serra Bûcak û Dogan Hatûn bi ciwanan re ser mijarên wek “tenduristî, perwerde, zarok û ciwan” nîqaş dan meşandin û dan zanîn ku ew ê bajarî bi ciwanan re rakin ser piyan.
Hevserokê Giştî yê DEM Partiyê Tûncer Bakirhan di hevdîtina bi gel re ya li Dihê de axivî, giliyê neviyê Yakûp Axa yê şexsekî dîrokî ye, yê ji AKP’ê bûye namzet li gel kir. Bakirhan, bi gotina “Em ne neviyên Yakûp Axa ne lê ala wî em hildigirin” xwest ku gel xwedî li vê mîrateyê derkeve.
Hevseroka Giştî ya DEM Partiyê Tulay Hatîmogûllari ya li navçeya Stewrê di hevdîtina bi gel re de axivî, anî ziman ku li dijî veguhestina hilbijêran a AKP’ê ya polîs û leşkeran ji bo hemû hilbijêrên li derveyî bajêr dengên xwe bikarbînin dê bibin seferber.
Dayika girtî Yaşar Savci yê li Girtîgeha Tîpa S a Kavak a Samsûnê tê ragirtin, Hanîfe Savci ku binpêkirinên mafan ên lawê wê rast hatine vegot, anî ziman ku di rojên dawî de zext zêdetir bûne.
Jinên ji Qersê destnîşan kirin ku qeyûm li bajar tu xizmet nekirine û gotin: “Heke di hilbijartinan de DEM Partî serbikeve, dê her kes serbikeve.”
Li Stenbol û Eskîşehîrê di serdegirtinên malan ên saetên serê sibê de Hevserokê SDGF’ê Onûr Danaci û Serokê Giştî yê Lîmter-Îş’ê Kanber Saygili jî di nav de gelek kes hatin binçavkirin.
Li Dilovasiya ku ji ber fabrîkeyên pîşesaziyê nexweşîna pençeşêrê lê belav bûye, li hin taxan koçberî tê ferzkirin. Ji şêniyên taxan Ercan Demîrbaş rexne li rêveberiya navendî û herêmî kir û got: "Dem dema guhertinê ye."
Çalakiya greva birçîbûnê ku girtiyên siyasî bi daxwaza azadiya fîzîkî ya Rêberê PKK’ê Abdullah Ocalan û çareserkirina pirsgirêka kurd daye destpêkirin di roja 104’yemîn de berdewam dike.
Rojnameger Silêman Ehmed ku 136 roj berê ji hêla asayîşa PDK’ê ve hatibû revandin, ev 137 roj in di destê PDK’ê de dîlgirtî ye û agahî jê nayên girtin.
Ciwanê bi navê Mûrat Çarkçi li kar, li malê, li kuçeyan û bajaran bi cilên xwe yên kurdî balê dikşîne ser xwe. Çarkçi, anî ziman ku gelek caran ji bervan kincên xwe rastî êriş û astengiyan hatiye û got: "Ji min re dibêjin, 'Ev kincên terorîstan in em naxwazin hûn van kincan li xwe bikin.' Ev kinc nîşaneya nasnameya min a kurd e."
Dîrokên navendên ku dê Cejna Newrozê lê were pîrozkirin diyar bûn. Îsal dê starta Newrozê di 15'ê Adarê de li navçeya Depê bê dayîn.
Leşkeran gundê Hespistê dorpêç kirin û deriyên gelek malan şikandin.
Jinên Rêxistina DEM Partiyê ya Çankayayê nameya ku namzeta hevşaredariya bajarê mezin a DEM Partiyê ya Enqereyê Gultan Kişana ji hilbijêrên Enqereyê re şandiye belav kirin. Gultanê di namzeya xwe de got ‘Em ê bajarekî adîlane û wekhev bi hev re ava bikin’.
Hevseroka Giştî ya DBP'ê Çîgdem Kiliçgun Ûçar ku serdana Nobeda Edaletê ya Wanê kir, anî ziman ku polîtîkayên tecrîdê yên li Îmraliyê li Tirkiyeyê belav bûne û got: "Çalakiya ku hûn ji bo vê dikin, pir hêja ye."