Starta Newroza 2024’an bi eşkerekirina deklarasyona li Amedê hate dayîn. Di deklarasyonê de bal kişandin ser azadiya fîzîkî ya Rêberê PKK’ê Abdullah Ocalan û yekitiya neteweyî ya gelê kurd.
Rêxistina DEM Partiyê ya Colemêrgê bertek nîşanî namzetê AKP’ê yê bajar Îsmet Olmez ku xebatên xwe yên hilbijartinê bi belavkirina pereyan dimeşîne da û got: “Yên ku siyaseteke ku AKP’iyan jî dide şermê dikin nikarin bibin hezkiriyên vî gelî.”
Gardiyanan li Girtîgeha Jinan a Bunyan a Kayseriyê bi ser hucreya Gulistan Al de girtin û dest danîn ser pirtûk, lênûsk û pênûsên wê. Dayik Emîne Al got ku emeliyat bûye û nehiştine bi keça xwe re hevdîtinê bike û xwest zext bi dawî bibin.
Girtiyê nexweş Salîh Gun ê 60 salî ku li girtîgehê tê girtin û li tevî ku cezayê xwe xelas kiriye jî 2 sal in ji ber nasnameya wî ya ku ji aliyê rêveberiya girtîgehê ve hatiye windakirin, nayê berdan. Serlêdana malbatê ya ji bo derxistina nasnameyê jî nayê qebûlkirin.
Dirûşma Newroza îsal ku starta wê di 15’ê Adarê de li navçeya Depê ya Xarpêtê tê dayîn weke “Rabe dema azadî û serkeftinê ye” hat eşkerekirin.
Çalakiya greva birçîbûnê ku girtiyên siyasî bi daxwaza azadiya fîzîkî ya Rêberê PKK’ê Abdullah Ocalan û çareserkirina pirsgirêka kurd daye destpêkirin di roja 105’emîn de berdewam dike.
Rojnameger Silêman Ehmed ku 138 roj berê ji hêla asayîşa PDK’ê ve hate revandin û ev bû 138 roj tu agahî jê nayên girtin.
Li Pirsûsê Hevserokê Navçeyê yê DEM Partiyê û namzetên endamên meclisa şaredariyê jî di nav de 17 kes bi hinceta îfadeya şahidên veşartî hatin girtin.
Namzetê Hevşaredariyê yê Bajarê Mezin ê Mêrdînê Ahmet Turk, bi bîr xist ku DEM Partî biratiya gelan diparêze û got: "Em komeleyan vedikin, ev pêwîstî ne, lê mala me hemûyan partiya kurdan DEM Partî ye."
Nobeda Edaletê ya bi daxwaza azadiya fizîkî ya Rêberê PKK'ê Abdullah Ocalan û çareseriya demokratîk a pirsgirêka kurd hat destpêkirin, dewam dike.
Komîsyonên şaxên ÎHD’ê yên Enqere û Stenbolê bi munasebeta 8’ê Adarê Roja Jinan a Cîhanê anîn ziman ku 74 jinên girtiyên nexweş di Girtîgeha Bunyan a Kayseriyê, Girîgeha Sîncan û Girtîgehên li herêma Marmarayê de tên ragirtin û xwestin jinên girtiyên nexweş werin berdan.
Dayikên Şemiyê ku li Qada Galatasarayê hatin bahev, bi minasebeta 8’ê Adarê Roja Jinên Kedkar ên Cîhanê jinên di binçavan de hatin windakirin û hatin qetilkirin bi bîr anîn û gotin: “Çiqas sal jî derbas bibin, em ê ji bo jinên di binçavan de hatine windakirin û ji bo hemû windakiriyên xwe dest ji daxwaza edaletê bernedin.”
Hevserokê Giştî yê ÎHD’ê Huseyîn Kuçukbalaban ê tev li çalakiya “Bila windakirî bên dîtin, faîl bên darizandin” bû wiha got: “Heta ku li ser vê axê aştî pêk were û windakirî bên dîtin dê lêgerîna me ya edaletê bidome.”
Walîtiya Edeneyê derbarê 4 hunermendên Kolektîfa Rîtmên Azad de lêpirsînên bi îdiayên “endamtiya rêxistinê” û “propagandaya rêxistinê” hatine destpêkirin wek hincet nîşan da û derketina dika mîtinga 8’ê Adarê ya 4 hunermendan asteng kir.