Siyasetmedara kurd Leyla Zana ya di mitînga DEM Partiyê de axivî, diyar kir ku dema hilbijartin qezenckirin dê ji bo pîrozkirinê serdana bajaran bike û got: “Xwedî li sindoqên xwe derkevin.”
DEM Partiyê, îdiayên ku ew ê namzetên hevşaredariyê yên Antalyayê bi paş de vekişînin derewand û wiha got: “Em bi namzetên xwe ve ji bo Şaredariya Bajarê Mezin ya Antalyayê û 17 navçeyên wê têkevin hilbijartinê.”
Malbatên girtiyan ên di roja 115’emîn de hatin cemhev, xwestin ji bo çareserkirina pirsgirêka kurd, deriyên Girtîgeha Îmraliyê werin vekirin.
Serokwekîla Koma DEM Partiyê Sezaî Temellî di mitînga Colemêrgê de wiha got: “Ya ku dê vê îktîdarê hilweşîne, îradeya we ye. Ew çi dikin? Dengên heram vediguhêzin. Tevek jî sexte ne. Hûn li ku derê dibin bibin werin dengê xwe bidin. Em ê pir bi xurt bi ser kevin.”
Hatîce Yildiz ku ji ber pere ji keça xwe ya girtî û hevala wê re şandibû hatibû girtin. Koma ku xwest girtina Yildizê li ber Girtîgeha Jinan a Bakirkoyê şermezar bike hate binçavkirin.
Hewldana Edaletê ya ji bo Roboskê di meha 147’emîn a Komkujiya Roboskê de careke din ji bo Roboskê daxwaza edaletê kirin û wiha got: “Heta ku hevrûbûn nebe demokrasî ne pêkan e.”
Parlamenterê DEM Partiyê yê Rihayê Omer Ocalan li Sêrtê tev li civîna bi gel re bû û got: “Em dizanin li vir şerekî psîkolojîk tê meşandin. Lê em ê baş bixebitin û şaredariyan ji qeyûmên dagirker rizgar bikin. Bila her kes bang li xizmên xwe bike, DEM Partî mala kurdan e.”
Li navçeya Ebexê yek ji eşîrên herî mezin Meleyî ne. Meleyî piştgiriya xwe ya ji bo DEM Partiyê bi meşeke tevlibûna sedan kesan eşkere kir.
Rêxistinên hiqûqî û mafê mirovan kesên di komkujiyên meha adarê de jiyana xwe ji dest dan bibîr anîn û banga hevrûbûna komkujiyê kirin.
Şaredariya Êlihê ya di bin rêveberiya qeyûm de, li ser qoliyên xurekê ku bi 53 milyon lîreyî kirîne, wêneyê namzetê şaredariyê yê AKP’ê li ser bi cih kir û ji bo belavkirinê amade kirin.
Girtiyên siyasî yên li Girtîgeha Tîpa L a Espiyeyê ji DEM Partî, AKP, CHP, Partiya Saadetê û Serokatiya Meclisê re name şandin. Di nameyê de girtiyan xwestin tecrîda girankirî ya li ser Rêberê PKK’ê Abdullah Ocalan were rakirin û di mijara greva birçîbûnê de li berpirsyartiya xwe rabin.
Li gundê Kabê yê girêdayî navçeya Sûr a Amedê, 15 xwendekarên ku dibistan pê dan paqijkirin, ji ber malzemeyên di nava wan de kimyasal hebûn jehrî bûn, rakirin nexweşxaneyê.
MEB’ê ji ber hilbijartinên 31’ê Adarê, 1’ê nîsanê weke roja betlaneyê ragihand.
Koordînasyona Şopandina Greva Birçîbûnê di rapora xwe ya têkildarî 7 girtîgehan amade kiriye de cih da gelek binpêkirinên mafan û bang kir ku daxwazên girtiyên di çalakiya greva birçîbûnê de bên bicihanîn.
Namzetên AKP’ê li Mûşê bi walî, qeymeqam û midûrê polîsan re xebatên hilbijartinê dimeşînin.