Parlementerê Sînn Feînê Francîe Molloy ku ji parêzerên Buroya Hiqûqê yê Sedsalê Mazlûm Dinç re hevdîtin kir, diyar kir ku helwesta Sînn Féinê ya ji bo Ocalan zelal e û got, “Divê Ocalan serbest bê berdan.”
Hevserokê Giştî yê DEM Partiyê Tuncer Bakirhan ku li Amedê di çarçoveya Cejna Zimanê Kurdî de axivî, anî ziman ku têkoşîna kurdan a li dijî asîmlasyonê didome. Hevseroka Giştî ya DBP'ê Çîgdem Kiliçgun Ûçar jî plaketa ku wergirt diyarî jinên girtî yên li dijî tecrîdê li ber xwe didin kir.
Emîne Şenyaşar Nobeta Edeletê ya li ber Wezareta Dadê di roja 104’an de berdewam kir. Emîneyê got: “Ez duh ji bo edeletê li vir bûm îro jî li vir im. Ez ê roja din jî bêm. Heta ku edelet bê.”
Baroya Şirnexê bi boneya 15'ê Gulanê Cejna Zimanê Kurdî daxuyanî da.
Di civîna Meclîsa Şaredarîya Bajarê Mezin a Mêrdînê de, Hevşaredara Şaredarîya Bajarê Mezin a Mêrdînê Devrîm Demîr xwest ku bi minasebeta 15’ê Gulanê Roja Cejna Zimanê Kurdî axaftina xwe bi kurdî bike, lê axaftina wê ji hêla endamên meclisê yên AKPê ve hat astengkirin û xwestin ku axaftina xwe bi tirkî bike.
Her du kesên li Stenbolê bi hinceta pîrozbahiyên 1’ê Gulanê hatine girtin, hatin berdan.
Rêxistinên hiqûqê dan zanîn ku li Îzmîrê lêgerîna tazî li binçavkiriyekê hatiye kirin û bertek nîşan dan.
Li Stenbol, Enqere û Rihayê ji bo Doza Kobanê ya ku dê sibê li Edliyeya Sîncan a Enqereyê bê lidarxistin banga xwedîderketinê hate kirin.
Hevberdevkê HDK’ê Cengîz Çîçek, bi daxwaza ku Wezîrê Karên Derve Hakan Fîdan bibersivîne têkildarî tirkkirina navên jîngehên li Efrînê û qedexekirina kurdî pêşniyazpirseke kurdî pêşkeşî Meclisê kir.
Hevşaredarê Dêrsimê Cevdet Konak di çarçoveya lêpirsîna bi îdiaya “propagandaya rêxistinê” de îfade da.
Derket holê ku Cîgirê Waliyê Amedê Abdullah Çîftçî dema qeyûmê Şaredariya Sûrê bû, ji qaseya şaredariyê ji bo qeymeqamtiyê malzemeyên ofîsê standiye.
Rojnameya Yenî Yaşamê dê bi boneya 6’emîn salvegera damezirandina xwe pîrozbahiyê li dar bixe.
Şêniyên gundê Şaklava yê Silêmaniyeyê ji bo protestokirina polîtîkayên aboriyê yên hikûmeta PDK’ê, rê ji TIR’ên Tirkiyeyê girtin.
Platforma Zimanê Kurdî ya li Qada Şêx Seîd têkildarî Cejna Zimanê Kurdî daxuyanî da, xwest zimanê kurdî bibe zimanê fermî û wiha got: "Em ê di hemû qadên jiyanê de sîyasetê jî bi kurdî bikin. Bi rastî û bi dilpakî em dibêjin; niha dem dema zimanê kurdî ye."
Li Sûka Misirê ya Dîrokî ya li Emînonuyê di saetên serê sibê de şewat derket.