Di çalakiyên li Stenbol û Enqereyê de rewşa tenduristiyê ya girtiyên bi nexweşiyên giran Elif Vural Yaş û Arzu Cansever a ji sedî 99 astengdar e, hat destnîşankirin û daxwaza berdana wan hat kirin.
Di çalakiyên ku ji aliyê ÎHD û xizmên windayan ve li Amed, Êlih, Colemêrg û Îzmîrê hatin lidarxistin de, ji bo aştiyeke birûmet banga hevrûbûnê li hikûmetê hat kirin.
Dayikên Şemiyê ji bo Mehmet Salîm Acar ê ku 31 sal berê li Amed hatibû windakirin, doza edaletê kirin.
Di lehiya li bakurê Pakistanê de hejmara kesên ku jiyana xwe ji dest dane gihîşt 330 kesan. Li eyaleta Hayber Pahtunhvayê de 32 kesan jiyana xwe ji dest dan.
Lijneya Îdarî û Çavdêriyê (ÎGK), tehliyeya girtiyê bi navê Nûjen Raperîn Amaç bi hinceta li qawîşa rêxistinkirî dimîne, asteng kir.
Hêzên hikumeta veguhêz û çekdarên girêdayî wan ku agirbesta li Siwêdayê binpê kirin, pev çûn.
Hate ragihandin ku girtiyên li Girtîgeha Çarşamba ya Samsunê û Girtîgeha Tîp S a Kavakê tên ragirtin bi gotina “bila pêvajo bi dawî be hûn ê bibinin” ve gef li wan hatiye xwarin û guleyekî danîne hewşa qawişa girtiyekî.
Ji bo dermankirina nexweşê SMA'yê Omer Asaf heya niha ji 60'ê pereyê hewce dike hatiye berhevkirin. Malbatê ji bo ji sedî 40'ê mayî banga hevgirtinê kir.
Platforma Înstagramê li ser daxwaza Saziya Zanistên Teknolojîk û Ragihandinê (BTK) hesabê Ajansa Welat li Tirkiyeyê asteng kir.
Li Xelfetiyê li ser tayînkirina qeyûm de 10 meh bihurîn. Hevserokên DEM Partiyê, diyar kirin ku qeyûm xizmetê nake û bûdçe bi awayeke nelirê tê xerckirin. Welatiyên navçeyê gotin: “Di pêvajoyê de divê qeyûm tunebin.” Di hilbijartinên 31’ê Adara 2024’an de Partiya Wekhevî û Demokrasiyê ya Gelan (DEM Partî), Şaredariya Xelfetiyê bi dest xistibû û piştî 8 mehan (4’ê Mijdarê) bi biryara Wezareta Karên Hindûr ve li şûna Hevşaredarên DEM Partiyê Mehmet Karayilan û Saniye Bayram qeyûm hatibûn tayînkirin. Qeyûm li navçeyê xizmetê nake û qirêjiya bajêr li ser jiyana welatiyan xetereyê çêdike.
Akademisyenê Aştiyê Muzaffer Kaya li ser komîsyona ku li meclisê hat avakirin got: "Pêdivî ye ku pêvajo were pêşxistin. Divê hemû hêz seferberiyeke demokratîk a hevbeş bidin destpêkirin."
Nûnerê Herêma Stenbolê yê DÎSK'ê Asalettin Aslanoglû diyar kir ku divê di pêvajoya berdewam de mafên bingehîn ên di destûra bingehîn de werin naskirin û got: "Ji bo çareseriya pirsgirêka kurd wekhevî pêwîst e."
Rojnamevan Keleş Kiwexî diyar kir ku AKP bi êzîdiyên li Ewropayê re têkiliyên veşartî dimeşîne û got: "Ji aliyekî vegera li gundên tê astengkirin, ji aliyê din ve jî dixwazin êzîdiyên xwe biafirînin. Li hember vê yekê, divê DEM Partî têkiliyên xwe bi êzîdiyan re pêş bixe."
BES-AR’ê diyar kir ku di meha Tebaxê de sînorê birçîtiyê 36.430 TL û sînorê xizaniyê jî 88.640 TL ye. Bi vê yekê re mûçeyê kêmtirîn ku 22 hezar û 104 TL ye, ji sedî 64,81 di bin sînorê birçîtiyê de ma.