Platforma Ekolojiyê ya Şirnexê, ji bo pêşîlêgirtina qirkirina daristanan kampanyaya îmzeyan dabû destpêkirin. Platformê, sûreteke 8 hezar û 609 îmzeyên kom kirî ji walîtiyê û yek jî ji Serokatiya Meclisê re şand.
Der heqê çawişê pispor Îbrahîm Sari ku li Colemêrgê destê zarokekî şikand, serlêdana sûc hate kirin.
Muzaffer Akengîn ku piştî 32 salan hate berdan, li bajarê xwe Amedê bi tililî û dirûşman hate pêşwazîkirin.
Şîna ji bo Metîn Arslan li warê wî hatibû danîn, piştî serdana girseyî bi xwendina mewlûdê bi dawî bû.
Şaxa ÎHD'ê ya Êlihê diyar kir ku li Girtîgeha Êlihê, Girtîgeha Tîpa T a Êlihê û Girtîgeha Tîpa L a Vekirî ya Êlihê ji ber qutkirin û ava nebaş mafê jiyanê yê girtiyan tê binpêkirin û xwest der barê berpirsan de lêpirsîn bê vekirin.
Hat zanîn ku di navbera mehên Nîsan û Tebaxê de li Girtîgeha tîpa T a Karabukê tehliyeya 14 girtiyan hatiye taloqkirin.
Serdozgeriya Komarê ya Stenbolê têkildarî giliyê Mûrat Kapkî ê der heqê parêzerê AKP’î Mucahît Bîrîncî de lêpirsîn da destpêkirin.
Serokê Giştî yê CHP’ê Ozgur Ozel diyar kir ku Mucahît Bîrîncî yê AKP’î ji Mûrat Kapkî ku ji lêpirsîna ÎBB’ê hatibû girtin re gotiye; “Tu dê 2 milyon dolaran bidî û piştre dê bi rehetî ji vir derkevî.”
17 kesên di Komkujiya Dîgorê de hatibûn qetilkirin, di sala 32’yemîn a qetilkirina xwe de hatin bibîranîn.
Dr. Osman Îşçî ku ji bo komîsyona li Meclisê hatiye avakirin hat vexwendin, diyar kir ku ji bo serkeftina pêvajoyê şert e ku li Abdullah Ocalan were guhdarîkirin û got: “Komîsyona li Efrîqaya Başûr hatiye avakirin jî bêyî hevdîtina bi Nelson Mandela re nekarî pêvajoyê temam bike.”
Parêzer Rezan Epozdemîr ku di çarçoveya du lêpirsînên cuda de hatibû binçavkirin, hate girtin.
Endama Foruma Azadî û aştiyê ya Ewropayê Neşe Ozgen ku pêşengtiya kampanyaya “Dixwazim bi Abdullah Ocalan re hevdîtinê bikim” dike, diyar kir ku mezintirîn astengiya li pêşiya aştiyê, tecrîd e.
Li Gimgimê di dema qedexeyên derketina derve de bavê 3 zarokan Rahmî Kiziltaş û xizmê wî Abdullah Toprak 10 sal berê hatin qetilkirin û hê dosyaya wan veşartî ye û kuştina wan nehatiye zelalkirin.
Welatiyên Bazarcixê bal kişandin ser pêvajoya ku der barê pirsgirêka Kurd de tê meşandin û gotin: "Ji bo ku aştî pêk were, divê pêşî li Tirkiyeyê hiqûq, edalet, demokrasî û azadî hebin."
Lêkolîner Rûken Ay Adin diyar kir ku civakîbûna aştiyê bi pêşveçûna zelal a pêvajoyê û jiholêrakirina nezelaliyan ve girêdayî ye û got ku divê civaka sivîl bêyî li benda bangekê be rasterast beşdarî komîsyonê bibe.