Derhênerê fîlmê Zer Kazim Oz aşkera kir ku fîlmê Zer li Tirkiyeyê sansur kirin û fîlmê wî li derveyê welat gelek xelat girtin. Oz, da zanîn ku sansura li ser fîlmê Zer, pêkanînên desthilatdariya AKP'ê ye û wiha got: "Ev hikumet ji hunerê dûr e û tiştekî fêm nake."
Belgefîlma "Suyun Olum Tarihi" ku der barê Heskîf û Geliyê Dîcleya ku dê di bin Bendava Ilisûyê de bimînin hatiye kişandin, êdî wê li ser înternetê jî bê temaşekirin.
Li herêma Serhedê tenê Abdulmecît Emen çanda reşikê berdewam dike. Emen ji ber ku xwedî li vê pîşeyê û çandê derdikeve gelekî kêfxweş e.
Wênesaz Ayşe Gîrgîn wêneyê xwe di pêşengeha bi navê “Ji bo dîtin û fêmkirinê nêz bibe, pişt re…” anî ba hev. Gîrgîn di qewimînên serdema qedexeya derketina derve de jî kir tuale û got bi xêzkirina wêneyan ew pêdiviya civakê ya ji bo aştiyê vedibêje.
Hunermendê kurd a ji Rojhilatê Kurdistanê Yedê Şakîrî, bi guhdarkirina Hesen Zîrek dest bi rêwîtiya xwe ya muzîkê dike û hêj ev rêwîtî dewam dike. Şakirî di nava şer û zextan de mezin bûye, ji ber qedexeyan nikaribû albuma xwe li welatê xwe derxe, li Stenbolê derxist. Şakirî dê bi rêyên qaçaxî albuma xwe bişîne welat.
Weşanên Aryenê 2 pirtûkên nû çap kirin. Pirtûk bi çeşnê xwe çîrok in û bi kurdî û tirkî ne. Çîrokên pirtûkan bal dikişînin ser jiyana mirovên vê xakê.
Helbestvan Rêdûr Dîjle gotina Schiller "Huner çi qasî ji aliyê azadiyê ve bê mijandin ewqasî mezin dibe" bi bîr xist û got: "Divê têkoşîna rûmetdar a nifşê herî berxwedêr û demokratîk ê sedsala 21'an bi awayekî herî karîgeriyî bigihê pênûs û helbestê, da ku helbest, huner li vê erdnîgariyê êdî bi awayekî azad bê îcrakirin."
Hunermendên NÇM, BEKSAV,YÇKM û Navenda Huner û Çanda Golgeyê hatin gel hev û "Sirûda Şoreşê ya Gelan" gotin, dê care ewil di 3'yemîn Kongreya Asayî ya HDP'ê de bê xwendin.
Endamê Duvara Karşı Tiyatro Topluluğu (Civaka Şanoyê ya li Hemberî Dîwar) Vedat Kuşku, da zanîn ku li dijî hegemonyaya desthilatdariyê her serdem hunermendê xwe diafirîne û wiha got: "Em winda bikin jî em ê dîsa dest pê bikin, lê ew têk biçin ew ê ji dîrokê paqij bibin."
Helbestkar Sabrî Vural bi nivîsandina helbesta “Efrîn” balê dikişîne ser rengîniya Efrînê û bêdengiya cîhanê ya li dijî Efrînê rexne dike. Vural got pêwiste nivîskar, helbestvan, hunermend û rewşenbîrên kurd trajedî û jenosîda li Efrînê bibînin û piştgiriyê bidin Efrînê.
Endamên Koma Helbestê ya Amedê di vê şevbêrka xwe ya helbestê de behsa serpêhatiya helbestvan Cegerxwîn kirin û helbestên wî xwendin. Nivîskaran û helbestvanan got ku Cegerxwîn evîndarê welat bû û ji her cihê lê geriyaye sûdê wergirtiye.
Lîstikvanên Teatra Jiyana Nû yên NÇM’ê ji bo zarok zimanê xwe dayikê ji bîr nekin lîstika bi navê “Gûstêrk” amade kirin. Lîstik dê di 18’ê Sibatê de li Navenda Çanda Golge ya Esenyurtê bêpere bê pêşandan.
Ekolojîst Erol Çirak, bal kişand ser warên dîrokî yên li Efrînê ji aliyê topbarana TSK'ê ve hat wêrankirin û wiha got: "Talana ku DAIŞ’ê li Sûriyeyê kir îro AKP OSO li Efrînê dike. Ertugrul Barka jî anî ziman ku di dîrokê de hemû talanker û dagirker bi heman hişmendiyê tev digerin.
Klîba strana “Nêçîra Roviyan” a hunermend Sefqan Orkeş ku li ser berxewdana Efrînê çêkir, ji aliyê hikumeta Tirkiyeyê ve li tevahiya Tirkiyeyê hat astengkirin.
TUYAP di meha Gulanê de, dê cara yekemîn li Erziromê fuara pirtûkan veke.