Welatiyê bi navê Suleyman Salgucak ku bi gotina “Biaxive, tu ji ku yî?” bertek nîşanî leşkerên li Şirnexê ji bo hilbijartinê li bajar hatibûn veguhestin da, ev tişt anî ziman: “Xelkê Şirnexê bi ser ket. Tişta wan kirî tenê dizîna îradeya gel e.”
Kesê bi navê Umut Aktaş bi çekê êrişî du keçên xwe kir. Di êrişê de zarokek hate qetilkirin û yek jî bi giranî birîndar bû.
Asayîşa PDK’ê rojnameger Silêman Ehmed 161 roj berê revand û ji wê rojê ve tu agahî jê nayên girtin.
Girtiyên siyasî bi daxwaza azadiya fîzîkî ya Rêberê PKK’ê Abdullah Ocalan û çareserkirina pirsgirêka kurd a bi rêyên demokratîk, 128 roj in di greva birçîbûnê de ne.
Bi boneya 75 saliya Rêberê PKK'ê Abdullah Ocalan, wekî her salê îsal jî di 4'ê Nîsanê de li Kurdistan û ji metropolên Tirkiyeyê gel wê berê xwe bide gundê Amarayê. Xwarziyê Abdullah Ocalan Alî Ocalan ku gel vexwand gundê Amarayê bi lêv kir ku wekî malbat ew ê bi hatina mevanan kêfxweş bibin.
Hevşaredarên navçeya Pasûrê Fatma Ay û Mûrat Îpek ku di pîrozbahiya serkeftina partiya xwe de axivîn, diyar kirin ku ew ê wekheviyê binîn Pasûrê û wiha gotin: “Em weke wan ne tenê ji bo gundê xwe, em ê ji 35 hezar welatiyên xwe re xizmetê bikin. Xwediyên vê axê em in.”
Hevşaredarên Cizîrê ku di pîrozbahiya DEM Partiyê ya li Cizîrê de axivîn, serketina xwe diyarî gelê Şirnexê kirin.
DEM Partiyê li Hezroyê der barê 904 dengên nehatine qebûlkirin û 793 dengên "veguhastî" de îtîrazê kir.
Namzeta hevşaredariyê ya DEM Partiyê ya Şirnexê Bêrîvan Kutlu têkildarî encamên hilbijartinê axivî û wiha got: “Banga min ji bo Mehmet Yarkaya yê AKP’î ye; gelo tu çawa li rûyê xelkê Şirnexê binêrî? Hûn rûreş in. We îradeya gel dizî. Dê navê te weke ‘diz’ di dîrokê de cih bigire.”
AKP’ê li navçeya Gêlê hezar û 200 leşker veguhest û şaredarî xesp kir. Namzetê DEM Partiyê Zulkuf Polat anî ziman ku dê xelkê navçeyê xespkaran qebûl neke û got: “Bi veguhestinê qeyûm tayîn kirin.”
DEM Partî ya li Agiriyê şaredarî bi dest xist, serkeftin pîroz kir. Partiyiyên di pîrozbahiyê de axivîn wiha gotin: “Li Agiriyê gel dîrok nivîsand. Serkeftiyên hilbijartinê hûn in.”
Endamê Grûp Yorûmê Cem Dûrsûn û Oktay Kelebek ê di heman girtîgehê de tên ragirtin, diyar kirin ku bi daxwaza sewqî girtîgeheke din bibin û girtiyê nexweşê giran Mehmet Guvel bê berdan 37 roj in di greva birçîbûnê de ne û banga hestiyariyê kirin.
Leşker û polîsên ku AKP-MHP’ê ji bo bandorê li encama hilbijartinê bikin anîbûn Qersê, bi otobûsan ji bajar tên derxistin.
DEM Partiyê li navçeya Çermûg a Amedê ji ber bêusûliyên di hilbijartinê de hatine kirin li Lijneya Hilbijartinê ya Navçeyê îtîraz kir.