Wezîrê Dadê Yilmaz Tunç bersiv da pêşnûmepirsa têkildarî girtina welatiyên ji sedî 71 astengdar û yên pirsgirêkên wan ên tenduristiyê yên kronîk hene û wiha got: “Di destê wezareta me de daneyên îstatîstîkî tune ne.”
TJA'yê têkildarî rewşa êzidiyan daxuyanî da û wiha got: "Em ê; ji bo êzidî di warê xwe de bi awayeke azad û aram bijîn, parastina mafên wan her bidomînin. Em di serî de bang li jinan û hemû gelên cîhanê dikin û vedixwînin piştgiriya bi êzidiyan re."
Li sînorê Serdeştê kolberek xelkê Mahabadê ji aliyê hêzên Îranê ve hate kuştin.
Kesên di serdegirtina daweta li Esenyurtê de hatibûn binçavkirin, piştî îfadeyê hatin berdan.
Endamê Rêveberiya Meclisa Dêrazorê Şêx Fethî El-Îteş bal kişand ser êrişên Tirkiye, rejîma Îranê û hevkariya wan û anî ziman ku HSD’ê gel ji êrişên van hêzan diparêze û wiha got: “Em jî wek gel, hêzeke ku li cem HSD’ê disekinin û em ê mil bi mil şer bikin.”
Di encama êrişên hêzên hikumeta Şamê û çekdarên Dîfa El Wetenî de 2 welatî birîndar bûn û zirarên mezin li milkên welatiyan bûn.
Di çalakiya 700’emîn a Dayikên Şemiyê de destê Aydin Aydogan hatibû şikandin. Aydogan, derheqê Suleyman Soylu de ku çalakî qedexe kiribû, serî li TÎHEK’ê da lê hate redkirin. Aydogan, got: “Dosyaya amade heye. Dikare biçe îfaeyê bide.”
Parêzerên ku tev li mitînga li dijî projeya madenê ya li Zozanê Hesandînê hatiye lidarxistin bûn wiha gotin: “Dê piştgiriya me ya bi gel re bidome. Bo xwe xeyalan çênekin, ev hêj destpêk e.”
Parêzer Ahmet Atiş da zanîn ku ji bo hevdîtina bi miwekîlê xwe re çû Girtîgeha Tîpa S a Antalyayê lê ji ber ku li dijî lêgerînê derketiye, nehiştine hevdîtinê bike. Atiş, got ku ev sepan binpêkirina hiqûqê ye.
Rêveberiya Girtîgeha Şirnexê axaftina bi kurdî ya li ser telefonê li malbat û girtiyan qedexe kir. Ji Komîsyona Girtîgehan a Baroya Şirnexê parêzer Fadil Tay bertek nîşan da û got: “Sepaneke dermirovî ye û îşkence ye.”
Midûriyeta Giştî ya Meteorolojiyê da zanîn ku li bakurê Herêma Serhedê û li rojhilatê Behra Reş li benda barîna zêde ne û welatî hişyar kir.
Hejmara 243’yan a Rojnameya Xwebûnê bi manşeta “24 saet bû 40 sal” derket. Rojnameyê di vê hejmarê de bal kişand ser salvegera 15’ê Tebaxê û têkoşîna 40 salan a tevgera azadiyê.
1’emîn Mîhrîcana Xweza û Çandê ya Depê bi tevlibûna hezaran kesan û konserekî bi coş dawî bû.
Di çarçoveya xebatên meha tebaxê ya Jîn Art Hunerê de belgefîlma ‘Li Kurdistanê mij û şev’ hate nişandan.