Leşkeran êrişî çalakiya “Ji şer re na, a niha aştî” ya li Silopiyayê kirin. Di êrişê de 3 rojnameger, gelek Dayikên Aştiyê, Hevşaredarê Cizîrê û rêveberên DEM Partiyê hatin binçavkirin.
Xebatkarê paqijiyê yê bi navê D.T. ku li navçeya Bayrakliyê xwendekarek tacîz kiribû, li ser berteka malbatan jinûve hate binçavkirin û girtin.
Hate diyarkirin ku li Merîwanê îşkence li 5 kolberan hatiye kirin û rewşa yekî giran e.
Der barê Şukru Koçak ê ku hevjîna xwe Fatma Ogûr li navçeya Artemêtê kuştibû de, cezayê muebeda girankirî hat xwestin.
Dayikên Aştiyê, li navçeya Silopiyayê di çalakiya "em şer naxwazin, a niha aştî" de hatim cem hev.
Li Nisêbînê di danişîna doza 5 leşkerên ji kuştina karker Yusuf Akin tên darizandin de biryar hat dayîn ku li benda rapora ATK’ê bê sekinandin.
Di doza ku rojnamevan Esra Solîn Dal, Mehmet Aslan û Erdogan Alayumat jê tên darizandin, şertê kontrola edlî hat rakirin. Der barê Aslan û Alayumat de lêpirsînek nû hat destpêkirin.
Derbarê midûrên polîsan ên di dema qedexeya derketina derve ya li navçeya Nisêbînê de ji ber dizî û şelandinê dihatin darizandin biryara beraetê hate dayîn. Ji her sê kesan re ji ber sûcê “bertîlê” ceza hate dayîn.
Hevserokê Giştî yê DEM Partiyê Tuncer Bakirhan, bangawaziya Devlet Bahçelî ya ji bo Rêberê PKK’ê Abdullah Ocalan ku digot; “Rêxistinê tesfiye bike” nirxand û wiha got: “Em mereq dikin ka dê birêz Ocalan çi bersivê bide. Deriyê Îmraliyê vekin em birêz Ocalan guhdarî bikin.”
Derket holê ku li cihê kedkarên Çapemeniya Azad Gulistan Tara û Hêro Bahadîn lê hatine qetilkirin tu lêkolîn nehatine kirin.
Bêparhiştina bi milyonan zarokên ji gelên cuda û qedexeyên li ser zimanê kurdî, gotinên Erdogan ên têkildarî “zimanê dayikê” vala derdixînin. Hevserokê MED-DER’ê Remzî Azîzoglû got: “Rast dibêje lê êdî kesekê ji gotinên wî bawer bike nema ye.”
Doza ku kesên tev li kampanyaya Gerînendetiya Weşanê ya Nobedar a Rojnameya Ozgur Gundemê bûbûn jê dihatin darizandin, bi hinceta temamkirina kêmasiyên di dosyayê de hate taloqkirin.
Parêzerên Buroya Hiqûqê ya Sedsalê ji bo hevdîtina bi muwekîlê xwe Rêberê PKK’ê Abdullah Ocalan re ku 43 meh in tu agahiyan jê nagirin, serlêdan kirin.
Dadgeha Bilind, biryarên beraetê yên di doza JÎTEM’ê ya Mehmet Agar jî di nav de 18 bersûc jê dihatin darizandin de hatibûn dayîn pejirandin.
Li Stenbolê welatiyên ku di dema daxuyaniya ji bo mitînga “azadiyê” de hatin binçavkirin bi tundî û tacîzê re rû bi rû man. Fincê Akman a ku tundî lê hat kirin got: “Nikarin îradeya me bişikînin.”