Jinên ku di atolyeyên Komeleya Jinan a Yaşameviyê de hildiberînin û der barê mafên xwe de tên serwextkirin, gotin: "Destdayîna jiyana kesekî hesteke xweş e. Ez hêza jinan hîs dikim. Me di dema perwerdeyê de li çîrokên jiyana hev guhdarî kir. Me alîkariya hev kir ku em ji hev re bûn şîfa."
Hevseroka Giştî ya DEM Partiyê Tulay Hatîmogûllari diyar kir ku divê komîsyon tavilê bi Ocalan re hevdîtinê bike û got: “Divê mafê hêviyê yê birêz Ocalan bibe rojev û mercên ku bixebite tê de bi rehetî bixebite û bi hemû derdoran re hevdîtinê bike bên avakirin.”
Nûnerên rêxistinên jin û maf ên li Amedê xwe ji bo meşa 1’ê îlonê Roja Aştiyê ya Cîhanê amade dikin, gotin: “Em baş dizanin ku pêvajoya aştiyê ya ku birêz Abdullah Ocalan dixwaze pêş bixe, tenê bi têkoşînê dikare biencam bibe.”
Berdevka Meclisa Jinan a DEM Partiyê Kamîle Kandal diyar kir ku ew ê bi hev re têkoşîna aştî û azadiya jinan bidomînin û bang li jinan kir ku di 1'ê Îlonê Roja Aştiyê ya Cîhanê de dakevin qadan.
Bijîşkê ku hevjîna nexweşekî bi peyaman tacîz kiribû, piştî gilîkirinê der heqê wî de lêpirsîn hate vekirin û ji erka xwe hate dûrxistin.
Înîsiyatîfa Azadî ji Nanayê re, xwest ku Nanaxanim Babanzade ku tê xwestin were dersînorkirin, were berdan.
Dadgehek Îranê salek cezayê girtîgehê da aktivîst Mutehere Guneyî.
Zêdetirî hezar aktivîstên civaka sivîl û parazvanên mafên mirovan ji bo Şerîfe Mihemedî bang li rejîma Îranê kirin û xwestin biryara erêkirina cezayê darvekirinê were betalkirin.
Meclisa Jinan a DBP’ê, diyar kir ku bêdengiya saziyên dewletê û ya darazê tundiya li dijî jinan zêde dike û got. “Di mijara necezakirina sûcên li dijî jinan de, 'mirinên biguman' ên roj bi roj zêde dibin, ji bo parastina faîlan û veşartina rastiyê weke mertalekî tên bikaranîn.”
Girtiyên jin ên li Girtîgeha Jinan a Sîncanê bertek nîşanê helwesta komîsyona ku li Meclisê derbarê pêvajoyê de hatiye avakirin dan û pirsa, 'Ger hêj hikmên rêziknameya navxweyî li ser zimanê gel hesas nebe dê ev çawa pêk bê?', kirin.
Berdevka Giştî ya SKM’ê Tanya Kara diyar kir ku tê xwestin dijminatiya li hemberî jinan jinûve were dîzaynkirin û got: “Girîng e ku têkoşîna ji bo jiyaneke wekhev û azad bi awayekî herî xurt were birêxistinkirin.”
NADA’yê ji bo parastina mafên mexdûrên trajediya di sala 2014’an de DAIŞ’ê li Geliyê Xesfeyê kiribû û malbatên wan, banga lêpirsîneke neteweyî û navneteweyî kir.
Kovara Jinê vê hefteyê bal kişand ser têkoşîna rojnamegerên jin û bi manşeta “Têkoşîna heqîqetê ya rojnamegerên jin” derket.
Meclisa Jinan a DEM Partiyê ya Stenbolê, di çarçoveya çalakiyên 1’ê Îlonê de ‘xeleka aştiyê’ ava kir û destnîşan kir ku jin temînata aştiyê ne.
Ji bo du xwişkên ku li Mêrdînê li heman malê mirî hatibûn dîtin, dozgerê taybet hat peywirdarkirin. Hat îdiakirin ku zînetên jinan ne li cihê xwe bûne û xizmên wan xwestin bûyer bê ronîkirin.