Li gundê Dîbegûlî yê navçeya Giyadînê ji ber kana mermeran hatiye avakirin, nêzî 50 mal koçber bûne û ji ber toza ku ji kana mermeran derdikeve, nexweşiya astim û bêhnçikandinê zêde bûye.
Li Şirnex a ku di her 15 rojan carekê deşt û çiyayên wê bi hinceta “ewlehiyê” tên qedexekirin, cihekî ku nehatiye talankirin nemaye. Bi birîna daran, xebatên madenan û bendavan tê xwestin ku herêm bi temamî bêmirov were hiştin.
Welatiyên ku xaniyên wan ji ber dînamîtên ji bo Bendava Sîlvanê ku li Geliyê Godernê tê çêkirin, tên teqandin zirar dîtine, diyar kirin ku ev yek zirarê dide qadên jiyanê û tenduristiya wan jû bang kirin ku demildest dawî li vê bê.
Welatiyên ku têkoşîna xwe ya li dijî kana madenê ya tê xwestin li Zozana Hasandînê bê çêkirin didomînin, gotin: "Şîrket hêzê ji dewletê digirin, dewlet jî ji bo berjewendiyên xwe destûrê dide. Lê em ê dest ji berxwedanê bernedin."
Li herêma Bestayê ev 3 sal in bi destê cerdevanan dar tên birîn. Darên bi sedsalî yên hatin birîn, careke din ser koka xwe şîn bûn. Li hêla din cerdevanan li herêma Biryan a Cilênimêjayê dest bi birîna daran kirin.
Taxa Gavgasê ya Pasûrê, li herêmeke wisa ye ku pêdiviya avê ya gelek deverên Pasûrê jê tê peydakirin. Taxa Gavgasê niha bi xetereya madenê re rû bi rû ye. Şêniyên taxê ku pêşî li xebatên sondajê digirin, gotin: "Ne zêr, pêdiviya me bi avê heye. Qethiyen em ê nehêlin."
Komîsyona Ekolojiyê ya DEM Partiyê dê di 7-8’ê îlonê de li Wanê bi dirûşma “Di çandinî û xurekê de avakirina pêşerojê” sempozyûmê li dar bixe.
Li dijî welatiyên li navçeya Hopayê li dijî birîna daran derdikevin û nobet digirt êrişa çekdarî hat kirin. Di êrişê de kesekî jiyana xwe ji dest da û 2 kes jî birîndar bûn.
Teqemeniyên ji bo xebatên madenê yên li peravên Çemê Mûradê hatine destpêkirin, zirarê didin cureyên endemîk û ji ber toz, harfiyat û xerakirina rêyan bi navê jiyanê tiştek nayê hiştin. Şêniyên herêmê diyar kirin ku koçberî li wan tê ferzkirin.
Dêrsimiyan diyar kirin ku HES a li ser Çemê Tagarê ya Dêrsimê tê çêkirin hevsengiya xwezayê xerab dike û dewlet hewl dide bi projeyên enerjî û madenan nasnameya kurd-qizilbaşiyê tune bike.
Şewata sê roj berê li Çiyayê Gabarê derketibû hate vemirandin.
Hat diyarkirin ku 16 sal berê der barê deşta Hasandînê de biryara "pêdivî bi ÇED'ê tune ye" hatiye girtin û fermandarê cendirmeyan yê ku bi rayedarên fîrmayê re hat, gef li gel xwar û got: "Gel bixwaze û nexwaze jî wê ev maden bê avakirin."
Ji aliyê Şaredariya Bajarê Mezin a Wanê ve bi dirûşmeya ‘stranên me ji bo xwezayek xweşiktir’ konser pêk anîn.
Li çolterên gundê Hesana ya li qûntarê Çiyayê Cûdî, kesekî pezkoviyek kuşt. Li kesê pezkuvî kuştiye re 660 hezar lîre ceza hate birîn.
Li navçeya Goleyê roj bi roj talana xwezayê zêde dibe û niha jî bi çêkirina kanên madenê di rojevê de ye. Komeleyên xwezayê û gundî dibêjin ku ew ê destûr nedin projeyê.