Nivîskaran di Rojên Wêjeya Berawirdî de “Temaya Kedê ya Di Çîrok û Romanên bi Kurdî û Tirkî De” gotûbêj kirin. Nivîskar Îsmaîl Dîndar got temaya kedê hema bêje di wêjeya kurdî de nîne û wêjeya kurdî bêtir li ser hezkirina welat, qehremanî û hezkirinên kesan hatiye honandin.
Berdevka Komeleya Nivîskarên Jin Sevîm Korkmaz Dînç ku şahidê darbeya 12'ê Îlonê ye, diyar kir ku ew di pirtûkê xwe de şahidiya xwe ya vê dîrokê dinivîsine û ji hemû jinan xwest ku wêrek tev bigerin û binivîsin. Dinç, anî ziman ku rêya bixwe bawerbûnê tekoşîna hevpar e û wiha got: "Em bang li jinan dikin ku bên cem hev û bi hevre komên xwendin û nivîsandinê ava bikin. Em dibêjin bila jin binivîsin û netirsin."
Warê dîrokî Heskif, ji ber bendava Ilısu û polîtîkayên hikûmeta AKP'ê hem di bin avê de dimîne û hem jî li ber çavan talan û wêran dibe. Derhêner Alî Ergul, bêdengiya Baro û odeyên pîşeyî yên li herêmê rexne kir û wiha got: "Ger ku deng bilind bibe dikarin Heskif û Geliyê Dicle ji vê talankirinê rizgar bikin. An na em dê hemû êşa vê yekê bikişînin."
Rojên Wêjeya Beravirdî ya Amedê bi panelan berdewam kir. Di panela "Anotomiya Wêjeya Kurd" û "Di navbera dîwanan de ji Wêjeya Rojhilat Melayê Cizîrî û Hafız Şîrazî" de Helbestkar Îlhamî Sîdar diyar kir ku kurdî zimanê helbestê ye û wiha got: “Ger ku qîmeta dan Shakespeare bidana Melayê Cizîrî dê biba helbestkarê cîhanê ye herî navdar. Kurdî zimanê helbestê ye. Bi rakirina medreseyan helbestkariya kurdî darbeyek mezin xwar."
Rojên Wêjeya Berawirdî ya Amedê bi axaftina rojnameger û helbestkarê kurd Mirazê Cemal ê ji rojnameya Rya Taze hat û nivîskarê ermen Migirdiç Margosyan dest pê kir. Mirazê Cemal got wî di 16 saliya xwe de dest bi helbestkariyê kiriye û bi hatina Amedê ew 72 sal ciwan bûye.
Belgefîlma ku jiyana derhênerê Kurd Yilmaz Guney digire dest "Efsaneya Qralê kirêt" dê bê pêşandan. Derhênerê fîlm Mehmet Aktaş, diyar kir ku Guney di sînemaya Tirkiye de şoreş pêk anîye û ji bo sînemaya kurd jî destpêk e. Aktaş, da zanîn ku ji ber ew deyndarê Guney in ev belgefîlm amade kiriye.
Bernameya Rojên Wêjeya Berawirdî yên Amedê diyar bû. Di çarçoveya bernameyê de, dê pirs û pirsyarên wekî; wêje di roja îroyîn de dikare ji bo çi bibe derman, dikare kîjan deriyên hêvîyê veke, di lêgerîna ji bo edaletê de dikare bestên çawa bide bên nîqaşkirin. Mêvanê rûmetê yê bernameyê yê îsal, helbestvan Berken Bereh e.
Nivîskar-helbestkar Selîm Temo behsa wêjevanê navdar Mehmed Uzun kir û got: “Dengên ber bi tarîtiya dîrokê ve çûbûn ji nû ve zindî kir. Rewşênbîrên kurd ên bi hesreta welat li sirgûnan bi tena serê xwe dimirin hilgirt anî nav me.”
Şêwekara îranî Parya Ghaderî li Stenbolê bi xêzkirina wêneyên jinan pêşengeha bi navê “Kurdu Yuzu (Rûyê Honandinê)” vekir û got “Her jina li pêşengehê digere tiştek ji xwe têde dibîne.”
Şanoya Mencelê bi dirûşmeya "Xeyalek, Lîstikek û Azadî" Yekemîn Mîhrîcana Şanoyê ya Wanê li dar dixe. Dê di mîhrîcanê de 8 lîstik, atolyeyeke jixweberî û konsert bên lidarxistin.
Nivîskar Qendîl Şeyxbizînî yê pirtûka wî ya bi navê “Hezar û Yek Peyv” ji Weşanxaneya Sîtavê derket diyar kir ku xebatên serbixwe yên zimanzanên kurd zirarê dide zimanê kurdî û got: “Sazkirina yekitiya ziman dê rê li ber yekîtiya neteweyî veke.”
Teatra Yekta Hêvî bi promiyera lîstika xwe ya “Kirêciyê Nû” perdeya dika xwe vekir. Derhênerê lîstikê Ozgur Adiguzel got lîstik kapîtalîzmê rexne dike.
Suleyman Kaya ku li kuçe û kolanên Rihayê bi ereboka destan amûrên kevnar difiroşe, bereksê kesên li semtên luks amûran buha difiroşin tev digere.
Li Amedê bi tevkariya Weşanxaneya Lîsê û DSM'yê Rojên Wêjeya Berawirdî dest pê dikin. Dê Rojên Wêjeya Berawirdî di 11'ê Cotmehê de dest pê bikin.
Yekem kovara derûnnasiyê ya bi kurdî bi hejmara xwe ya 7’emîn derket pêşberî xwînerên xwe. Bi vê hejmarê sala xwe ya duyem qedand û ket sê saliya xwe. Kovar bi naverokek balkêş li ber destê xwînerên xwe ye.