Zulkuf Korkmaz ku li Erziromê dijî, dengbêjiya ku ji dayika xwe hîn kiriye 53 salên berdewam dike. Korkmaz çîrokên kilaman dinivisîne û hewld dide antolojiya kilamên kurdî çêbike, xeyala wî ya herî mezin li gundê xwe avakirina dîvaneke dengbêjan e û vê çandê ji nifşên dû xwe re ragihîne.
Mamsoteyê erbanê Alî Gezer, li Antalyayê bi navê "Stêra Erbanê" komek ava kiriye û ev demeke erbanê hînî jina dike.
Ferhenga Têgihên Hiqûqê bi dawî bû û sibê ji bo ferhengê li Eywana Konferansê ya Tahîr Elçî ya Amedê dê resepsiyona danasînê bê dayîn.
Endamê Desteya Şêwirê ya Tora Çand û Zimanan Şefîk Beyaz, diyar kir ku berpirsiyariyên wan hene û got: "Wê xebatên me hêviyê xurtir bike".
Hunermendê dersimî Mikaîl Aslan, bi awayekî tund bertek nîşanî serladana ji bo rakirina peyker û navê Seyît Riza da û ev tişt got: "Ne Perînçek û ne jî durûyên di nav me de nikarin roniya heqîqetê ya diçirise tarî bikin. Seyît Riza roniya diçirise ya sedsalê ye."
Êlih, wê di navbera 25-29'ê Kanûnê de malovaniya 2'mîn Rojên Wêjeya Kurdî bike. Di çarçoveya bernameyê de wê helbest bên guhdar kirin û panel û gotûbêj bên sazkirin.
Ji pirtûkên Seher û Devran ên Hevserokê Giştî yê HDP'ê yê Berê Selahattîn Demîrtaş, 4 çîrok kirin lîstika şanoyê.
Hunermend Ahmet Guneştekîn bi navê “Odeya Hafizayê-Jûra Bîrê” pêşengehek vekir û ev pêşengeh bîra 100 salî ya Tirkiyê didarizîne. Hunerhez bi kêfxweşiyê diçin temaşeya pêşengehê û berhemên li vir gelek diecibînin.
Nivîskar M. Çiya Mazî, 2 pirtûkên nû li berhemên xwe yên çapkirî zêde kir. Pirtûkên "Tebatî" (Çîrok) û "Bayê Zewêdiyan" (Helbest) ji hêla Weşanxaneya Berbang ve hatin çapkirin.
Li Rêya Armûşê Mûrat Demîr, xalî û tejikên ku 20 sal in berhev dike wan dike çente, heybe û kilîdank; kundirên ku li baxçê xwe jî diçîne dike çira.
Siyasetmedar Mahmût Alinak ku pirtûka wî ya bi navê “Mehmet Tûnç û Bêkes” hat qedexekirin, got: "Ev pirtûk wesîqeyeke îbretê ye. Wê nikaribin rê li ber vê pirtûkê bigirin."
Ma Muzîkê, bi şahiya muzîkê danasîna pirtûka “Me ji stranan pirek çêkir” kir. Kordînatorê Akademiya Ma Muzîkê Şêrko Kanîwar bal kişand ser pişaftina li ser ziman û got: “Em ê zarokên xwe bê stran nehêlin.”
Nivîskar Firat Cewerî, anî ziman ku ligel polîtîkayên asîmlasiyonê hemûya dîsa jî kurdî hebûna xwe didomîne û got: "Xwendin, nivîsandin û axaftina bi kurdî, serîrakirin e."
Xana Kurkvana ku wargeha çermvanan bû wêran bûye. Berê li xanê 80 çermvan hebûn, lê belê niha tenê 4 esnaf mane û ji van esnafan ê herî biçûk 62 salî ye.
Sendîkaya Kedkarên Çand, Huner û Turîzmê, bi van gotinan, 'Tê xwestin ku, hunermend, kom û koroyên dewletê yên berpirsyariya wan a xizmet dayîna gel heye, bikin lîstika qesrê.' bertek nîşanî peywirdarkirina hunermendên dewletê ya ji bo xwarina Navenda Giştî ya AKP'ê da.