Nûnera Dev Maden-Sen a Herêma Egeyê Hacay Yilmaz, diyar kir ku sedema serbestberdana berpirsê Komkujiya Soma Can Gurkan kêmasiyên muxalefetê ye û wiha got: “Doza Soma carek din nîşanî me da ku têkoşîna karkeran a bi edalet dikare bi ser bikeve."
Li navçeya Yakûtiye, hem esnafên bazarê û hem jî welatiyên tên bazarê ji rewşa aborî nerazî ne. Welatî Bunyamîn Gulluce got: "Ev heqê min e. Çimkî min jî denegê xwe da AKP." Welatî Ebûbekîr Kiran jî got: "Hingî we ew parast halê me ev e."
Li herêma Çiyayê Cûdî ya Şirnexê di kaneke komirê de hezanê rû da û karkerekî jiyana xwe ji dest da û karkerek jî birîndar bû.
Parêzerê Karesata Somayê Selçûk Kozagaçli, diyar kir ku diviya berpirsiyar ji ber "qesda muhtemel" bihatana cezakirin lê belê ji dêvla vê bi "îhamalkariyê" hatine darizandin û ji ber vê Can Gurkan hatiye berdan. Kozagaçli, destnîşan kir ku ew ê tevî malbatan heta dawiyê bitêkoşin.
Aborînas Mustafa Sonmez, bandora betalkirina hilbijartina Stenbolê ya li ser aboriya Tirkiye nerxand û wiha got: “Ji vê saetê û şûnde dibe abori ji kontrolê derkeve. Her çend faîzê zêde bikin û zêdebûna Dolar kontrol bikin jî li vê bendavê av nabe gol. Wê ev bendav hilweşe."
Li Wanê, welatiyên li bazaran çav li etîketên li ser fêkî û zebze dikevin bêyî ku tiştekî bikirin berê xwe didin malê. Li Bazara Semtî ya Bostanîçî esnafan got: "Êdî ti bereketa Remezanê jî nemaye."
Li navçeya Soke ya Aydinê ji ber endamên sendîkayê bûn 81 karker ji SÎBAŞ Gidayê hatibûn avêtin. 130 roj in karker li ber xwe didin û danişîna doza wan a ji bo vegera ser kar wê di 28'ê Gulanê de pêk bê.
Beriya hilbijartina rêveberiyên herêmî ya 31'ê Adarê Dolar bi 5,58 TL rûpela xwe girt. Dolar piştî hilbijartina 31'ê Adarê di 1'ê Nîsana 2019'an de bi destpêka hefteyê Dolar li piyasê bi 5,70 TL hat firotin. 36 roj di ser hilbijartinê re derbas bû, dolar gihişt 6.0 TL.
Esnafan bi hatina meha Remzanê, berhemên ji bo vê mehê li ser dezgehan bi cih kirin. Ji van berên ku herî zêde di Remazanê de tên xwarin tihîn û dims in. Lê ji ber fiyetên wan bihane kes nikare bikire.
Li Erziromê welatiyan diyar kir ku ji ber krîza aborî êdî nikarin gepek nan jî bibin mala xwe. Mehmet Kaya, got: "Ez zebze difiroşim, lê ji ber zebze biha ye nikarim bibim malê. Li ber mirovan digerim ku kîloyek firingî bikirin da ez jî êvarî nan bibim mala xwe."
Li Stenbolê Mitînga 1’ê Gulanê ya bi beşdariya sed hezaran pêk hat bi dawî bû. Karker û kedkaran li qadê birçîbûn, feqîrî, kar, ked, nan, azadî, hiqûq û demokrasiyê anîn ziman.
Di pîrozbahiya 1’ê Gulanê ya li Enqereyê de endama DÎSK’ê Nermîn Yurtaş metna hevpar xwend û got: “Ji bo em ji krîza aborî ya AKP’ê re bêjin êdî bes e, em hatine gel hev.”
Li Enqereyê beriya pîrozbahiya 1’ê Gulanê, qurbaniyên Komkujiya 10’ê Cotmeha 2015’an a li Gara Enqereyê bi qurnefilan hatin bibîranîn.
Komîteya Amadekar a 1'ê Gulanê ya Stenbolê, her kesî vexwand Qada Bazarê ya Bakirkoyê û got: "Li dijî qedexeyan û bêedaletiyê, em her kesî vedixwînin têkoşînê."
18 karkerên ku ji îstasyonên TUV-TURK a Rihayê ji kar hatin avêtin û 164 roj in li ber îstasyonê li ber xwe didin, wê li Taksîmê berxwedana xwe bidomînin.