Rêxistina Bajêr a Dîlokê ya Partiya Wekhevî û Demokrasiyê ya Gelan (DEM Partî ) 3'yemîn Kongreya xwe ya Asayî li saloneke navçeya Elebanê (Şehitkamîl) li dar xist. Di kongreyê de pankartên bi Tirkî û Kurdî hatine nivîsandin bi dirûşma "Rexînîstbûn azadî ye" û "Em di jiyana azad û wekhev de israr dikin, li dijî şîdeta dewletê ya mêr di îsyanê de ne, em li gel hev in" hatin daliqandin.

 

Ayşegul Dogan bal kişand ser banga Rêberê Gelê Kurd Abdullah Ocalan a ‘Banga Aştî û Civaka Demokratîk’ û wiha got: “Pêvajo hê jî rîskên ku nayê telafîkirin hildigire. Em vê yekê ji binçavkirin, girtin, tayînkirina qeyûman û êrîşên li hemberî Rojava dibînin. Lê em ji xwe bawer in, hafızaya me ya têkoşîna kolektîf heye. Ji kerema xwe bila kes nefikire, 'Ji xwe li pişt deriyên girtî tiştekî dikin, tiştekî ku em bikin nîne'. Tiştekî veşartî nîne. Di pêvajoyeke dîrokî de bangawazî hat kirin. Yek ji mûxatabên vê bangê JÎ PKK bû, lê navnîşaneke din a bangê jî hikûmet û dewlet e. Ev bang di heman demê de tê wateya ku vê berpirsyariyê bînin bîra wan. Mûxatabê din ê vê bangê jî gelên Tirkiyeyê ne, yên me hemûyan e. Bang li her kesî tê kirin ku rê li ber şerekî ku herî kêm 50 sal in bi rûmet, wekhevî, edalet û aştiyeke mayînde tê meşandin.”

 

TECRÎD DIDOME

 

Ayşegul Dogan tecrîd bi bîrxist û wiha got: “Eger niyeta hikûmetê heye ku vê yekê veguherîne firsendekê, eger Erdogan bi biryar e mekanîka darbeyê bifetisîne, divê zanibe ku em dixwazin vê yekê di pratîkê de bibînin. Di mejiyê kesên ji vî şerî nerehet in de pirsa 'Niha wê çi biqewime?' Divê bersiva vê pirsê bi awayekî pratîk bê dayîn. Di zûtirîn demê de divê were kirin û divê bi demê re belav nebe. agirbest hat îlankirin. Em weke DEM Partî ji vê biryarê kêfxweş bûn. Em dibêjin ku em ji bo danûstandinan amade ne. Niha, dema şert û merc amade bin, ji bo çareserkirina van fikaran pêwîstî bi çend serlêdanan heye. Qeyûm wê herî dawî be? Rewşa girtîgehan çi ye? Em careke din van pirsan ji hikûmet û dewletê re radigihînin. Em dibêjin samîmiyet bi pêkanîna van polîtîkayan nayê pîvandin. Di meha Cotmehê de dema serokê MHP'ê Devlet Bahçelî banga xwe ya yekemîn kir, me got divê di zûtirîn demê de gav bên avêtin. Kesê ku wê vê çareseriyê pêk bîne çima hê jî di nava tecrîdê de ye? Deriyên Îmraliyê vekin û bila Dayikên Aştiyê biçin û wan bibînin. Bila rojnamevan biçin û pirsên xwe bipirsin. Divê ev rejîma kêfî bê terikandin û bêyî dereng bikeve divê di zûtirîn demê de tecrîd were rakirin. PKK dibêje, "Ji bo civandina Kongreyê divê şert û merc bên çêkirin" û yên siyaseta bêçek dixwazin, ji bo ev gav bên avêtin divê şert û mercên pêwîst biafirînin. Weke DEM Partî em careke din vê bangê dikin."

 

‘BILA XWÎNA DIRIJE RAWESTE’

 

Dayika Aştiyê Dûrrî Kaygûsûz li kongreyê axivî û kêfxweşiya xwe ya ji ber banga Abdullah Ocalan anî ziman û wiha got: "Ji bo vê yekê me bi deh hezaran berdêl dan. Bi xwîna me ev ax av da. Eger li Kurdistanê berdêleke bê dayîn hebûya, ev yek bi vîna bi deh hezaran canî bû. Em naxwazin zarokên me li vê axa pîroz bibin qûrban."

 

Durrî Kaygusuz da zanîn ku ew dixwazin partiyên siyasî û hikûmet li hemberî vê banga Abdullah Ocalan gavên şênber bavêjin û wiha got: "Banga me li hikûmetê ew e ku ji bo aştiyê di zûtirîn demê de gavan bavêje. Eger mafê her kesî hebe, Kurd xwedî li gelê xwe derketin. Bes e! Ji bo kurdan gav bavêjin. Banga me li dayikên Tirk e. Di zûtirîn demê de werin em bi hev re vê xwînrijandinê rawestînin, destê xwe bidin destê dayikên Kurd. Dawiya dawî dê aştî pêk were. Divê di zûtirîn demê de girtî bên berdan. Em dixwazin xwîna her du aliyan neyê rijandin."

 

'EM Ê TÊKOŞÎNA XWE BIDOMÎNIN'

 

Wekîla Partiya Kedê (EMEP) ya Dîlokê Sevda Karaca diyar kir ku gelê Kurd li benda gavên şênber e û wiha got: "Ev şert û merc, tavilê serbestberdana girtiyên siyasî yên li girtîgehan e. Em dizanin ku her yek ji van bi şerekî dijwar tir dikare pêk were. Têkoşîna jinan a ji bo wekheviyê wê bibe parçeyeke esasî ya têkoşîna aştiyê. Em wek partiya EMEP'ê di vê rêyê de bi we re têkoşînê bidomînin û berdêla wê çi dibe bila bibe em ê bidin wan."

 

Di kongreya ku Meclîsa Jinê ya Dîlok a Partiya DEM'ê hat avakirin de Hatîce Sonmez û Fesîh Yeşîl weke Hevserokên Rêxistina Dîlokê ya DEM Partiyê hatin hilbijartin.