
Rêveberiya Xweser û Hikûmeta Demkî bi rojeva Helebê civiyan 

2025-09-05 11:32:11


	&nbsp;

	NAVENDA NÛÇEYAN - Nûnerên Rêveberiya Xweser a Bakur û Rojhilatê Sûriyeyê û rayedarên Hikûmeta Demkî ya Sûriyeyê li Helebê civiyan. Di civînê de li ser cîbicîkirina peymana di 1’ê Nîsanê de hatibû îmzekirin û avakirina komîteyan li hev kirin.&nbsp;

	&nbsp;

	Bi armanca kêmkirina rageşiya li Helebê û pêknîna bendên peymana der barê taxên Şêxmeqsûd û Eşrefiyê de, duh êvarî nûnerên Bakur û Rojhilatê Sûriyeyê û nûnerên hikumeta veguhêz a Sûriyeyê li bajarê Helebê civiyan. Li gorî nûçeya ANHA’yê; di hevdîtinê de berpirsên Rêveberiya Xweseriya Demokratîk a Herêma Bakur û Rojhilatê Sûriyeyê, fermandarên HSD’ê û hejmarek raydarên hikûmeta demkî amade bûn.

	&nbsp;

	Di civînê de, aloziya vê dawiyê li Helebê rû daye, liv û tevgera hêzên hikûmeta demkî ya li derdora taxên Şêxmeqsûd û Eşrefiyê, domandina pêkanîna bendên Peyama 1’ê Nîsanê ya der barê her du taxan de hatin gotûbêjkirin. Her wiha behsa mekanîzmeya avakirina komîteyên pêkanîna peymanê kirin.

	&nbsp;

	Her du aliyan li ser rawestandina rageşî û tevgera leşkerî ya hêzên hikûmetê li derdora her du taxan û lidarxistina civînan di navbera komîteyên têkildar ên her du aliyan de li hev kirin.

	&nbsp;

	ÇI BÛBÛ?

	&nbsp;

	Hêjaye bibîrxistinê ye ku di 1’ê Nîsana îsal de Meclisa Taxên Şêxmeqsûd û Eşrefiyê û hikûmeta demkî peymaneke ji 14 bendan îmze kiribûn. Peyman girêdayî pêşxistina jiyana hevbeş û parastina niştecihên her du taxan, qedexekirina diyardeyên leşkerî, birêxistina ewlehiya navxweyî, hêsankirina tevgera çûn û hatina şêniyên her du taxan, her wiha avkirina komîteyên pêkanîna bendên peymanê ye.

	&nbsp;