
Bernameya 1'ê Îlonê ya Stenbolê diyar bû 

2025-08-30 13:17:38


	&nbsp;

	STENBOL - Bernameya mîtînga 1'ê Îlonê ya ku dê Hêzên Ked, Aştî û Demokrasiyê yên Stenbolê li Kadikoyê li dar bixin, hat eşkerekirin.

	&nbsp;

	Hêzên Ked, Aştî û Demokrasiyê yên Stenbolê dê sibê (31'ê Tebaxê) li Qada Rihtimê ya Kadikoyê bi dirûşmeya "Ji bo civakeke demokratîk deng bidin aştiyê" mîtîngekê li dar bixin. Mîtîng dê saet di 14:00'an de dest pê bike û heta saet 20:00'î bidome. Dê li ber Peykerê Ga kortej bên çêkirin û heya qada mîtîngê meş were lidarxistin.

	&nbsp;

	Hevseroka Giştî ya Partiya Wekhevî û Demokrasiyê ya Gelan (DEM Partî) Tulay Hatimoğullari dê di mîtîngê de axaftinekê bike. Endamên Meclisa Dayikên Aştiyê û ji Tevgera Boykot û Tecrîdê û Mueyîdeyan a Ji Bo Filistinê (BDS) jî hin nav biaxivin. Seroka Şaxa Komeleya Çandê ya Pîr Sultan Abdal (PSAKD) a Sariyerê Zeynep Yildirim dê daxuyaniyek çapemeniyê ya hevbeş a Hêzên Ked, Aştî û Demokrasiyê yên Stenbolê bixwîne.&nbsp;

	&nbsp;

	Dê di mîtîngê de peyamên rêxistinên elewiyan bên xwendin. Her wiha dê daxuyaniya hevpar a DÎSK, KESK, TMMOB û TTB'ê jî bê xwendin.&nbsp;

	&nbsp;

	Koma muzîkê Babetna û hunermend Ozlem Baglayan jî dê derkevin ser dikê.&nbsp;