
Li Kolombiyayê êriş: 3 leşker hatin kuştin, 4 jî birîndar bûn 

2025-08-13 11:33:14


	&nbsp;

	NAVENDA NÛÇEYAN - Di êrişa bi dronên bombebarkirî ya li Kolombiyayê de 3 leşker hatin kuştin û 4 jî birîndar bûn.&nbsp;

	&nbsp;

	Li ser Çemê Nayayê yê li ser sînorê bajarê Buenaventurayê yê Kolombiyayê li dijî keştiyeke artêşê, bi droneyên bombebarkirî êriş hate kirin. Li gorî daxuyaniya artêşa Kolombiyayê, di êrişê de 2 leşker û efserek hatine kuştin û 4 leşker jî birîndar bûne. Di heman daxuyaniyê de hate gotin ku êriş ji hêla EMC’ê ve hatiye kirin ku baskekî gerîlayên FARC’ê bû û peymana aştiyê ya sala 2016’an qebûl nekiribû.

	&nbsp;

	Ji roja peymana aştiyê hatiye mohrkirin heta niha Kolombiya pêla tundiyê ya herî mezin dijî. Serokê Dewletê Gustavo Petro, armanc dike ku şerê zêdetirî 60 sal in didome bi dawî bike û bi komên gerîlayan re mizakereyan dike. Lêbelê lîderê EMC’ê Iván Mordisco piştî hevdîtinên salekê domiyan, êdî tev li mizakereyan nebû.&nbsp;

	&nbsp;

	Di demên dawî de bikaranîna droneyên bombebarkirî zêde bûn û ev êriş rê li ber mirinan vedikin. Komîteya Xaça Sor a Navneteweyî dibêje ku ev çek pir zêde tên bikaranîn.&nbsp;

	&nbsp;