
2 girtî serbest hatin berdan  

2025-07-12 17:38:34


	&nbsp;

	STENBOL - Reşat Ozdîl ê ku piştî 31 salan ji girtîgehê serbest hat berdan, got: "Kêfxweşiya me, piştî Rêber Apo bigihê azadiya xwe ya fizîkî wê çêbibe."&nbsp;

	&nbsp;

	Reşat Ozdîl ê ku di sala 1994'an de li Amedê hat binçavkirin û paşê hat girtin û Dadgeha Ewlehiyê ya Dewletê (DGM) cezayê muebedê lê birî, piştî 31 salan ji Girtîgeha Hejmara 1 a Tekirdagê derket. Ozdîl, ji aliyê MA-TÛHAYDER'ê û xizmên xwe ve hat pêşwazîkirin.&nbsp;

	&nbsp;

	Sedat Alçîçek ê ku di sala 2009'an de li navçeya Berwarî ya Sêrtê hat binçavkirin û paşê hat girtin, beriya Ozdîl bi çend saetan ji heman girtîgehê derket. Alçîçek jî tev li pêşwazîkirina Ozdîl bû.

	&nbsp;

	Ozdîlê ku li ber girtîgehê axivî, got: "Em kêfxweş in ji ber ku derketine. Lê hişê me, ruhê me û dilê me li hundir e. Kêfxweşiya me, piştî Rêber Apo bigihê azadiya xwe ya fizîkî wê çêbibe. Îro ro têkoşîn ber bi asteke din ve çûye."&nbsp;

	&nbsp;

	BERDANA WÎ HATIBÛ TALOQKIRIN

	&nbsp;

	Lijneya Îdare û Çavdêriyê, berdana Ozdîl ê ku diviyabû di 12'ê Tîrmeha 2024'an de bihata berdan, taloq kiribû.&nbsp;