
Baroya Amedê: Divê mafên penaberan nebin mijara bazariyê 

2025-06-20 14:55:31


	&nbsp;

	AMED - Baroya Amedê diyar kir ku polîtîkayên koçberiyê ya Tirkiyeyê û berpirsyartiyên navneteweyî hev nagirin û got: “Divê mafên penaberan nebin mijara bazariyê. Divê dawî li sepanên gotinên nefretê û paşveşandinê bînin.”&nbsp;

	&nbsp;

	Komîsyona Koçberî û Îltîcayê ya Navenda Mafên Mirovan a Baroya Amedê bi boneya 20’ê Hezıranê Roja Penaberan a Cîhanê daxuyanî da. Serokê Komîsyonê Ahmet Mulla Muhammed daxuyanî xwend û got ku niha li seranserî cîhanê 122 milyon û sed hezar kes bi darê zorê ji warên xwe hatine kirin. Muhammed, got ku penaber ne tenê ji îstatîstîkan pêk tên û her yek ji wan xwedî serpêhatiyekê ye. Muhammed, da zanîn ku statuya penaberan, di Peymana Cinevê ya 1951’ê û bi Protokolo Hejmar 1967’an bi aşkerayî hatine naskirin.&nbsp;

	&nbsp;

	Muhammed, destnîşan kir ku li gorî daneyên UNHCR’ê di sala 2025’an de hejmara kesên li seranserî cîhanê bi darê zorê ji wanên xwe hatine kirin derketiye 122,1 milyon kesan û got ku ev mijar berpirsyartiya hemû mirovahiyê ye.&nbsp;

	&nbsp;

	POLÎTÎKAYÊN TIRKIYEYÊ REXNE KIR

	&nbsp;

	Muhammed, îstatîstîkên Serokatiya Îdareya Koçeberiyê ya Tirkiyeyê yên sala 2025’an parve kir û got ku niha li welat 2 milyon û 691 hezar û 160 Sûriyeyî bi Statuya Parastina Demkî dijîn, 9 hezar û 9 kes bi Statuya Parastina Navneteweyî û milyonek û 106 hezar û 188 kes jî destûra îkametê ne. Muhammed, anî ziman ku li gorî daneyên saziyên serbixwe, hejmara penaberan a li Tirkiyeyê pir zêdetir e. Muhammed, destnîşan kir ku polîtîkayên koçberiyê yên Tirkiyeyê û berpirsyartiyên navneteweyî yên weke Peymana Cinevê û Peymana Mafên Mirovan a Ewropayê hev nagirin û got: “Meseleya koçberiyê dikin meseleyeke siyasî, gotinên neftetê zêde dibin û penaber bi awayekî sîstematîk hedef tên girtin. Divê fatureya krîza aborî û pirsgirêkên civakî penaber nedin.”&nbsp;

	&nbsp;

	BERTEK NÎŞANÎ SEPANA PAŞVEŞANDINÊ DA&nbsp;

	&nbsp;

	Muhammed, da zanîn ku di mijara mafên tenduristî, perwerde û mafê xebatê de penaber pirsgirêkên cidî dijîn, li Navendên Paşveşandinê û Qadên Hewînê yê Demkî însanî nînin, her çend Tirkiyeyê gotibe 273 hezar Sûriyeyî vegeriyane jî ev reqem zêde hatiye nîşandan û piraniya wan bi dilxwazî venegeriyane. Muhammed, got ku li Tirkiyeyê rewşeke aştiya mayinde tune ye û got: “Paşveşandina bi darê zorê li dijî hiqûqa navneteweyî ye.”&nbsp;

	&nbsp;

	HIŞYARIYA PÊLA KOÇBERIYÊ YA REXÊ ÎRANÊ VE&nbsp;

	&nbsp;

	Muhammed, xwest ku Tirkiye ji bo îxtîmala pêla koçberiyê ya ji Îranê ber bi Tirkiyeyê ve jî amadekarî bên kirin.&nbsp;

	&nbsp;

	Di dawiya daxuyaniyê de ev daxwaz hatin rêzkirin:&nbsp;

	&nbsp;

	“*Divê mercên jiyaneke li gorî rûmeta mirovahiyê ji bo penaberan bên avakirin.&nbsp;

	&nbsp;

	*Ji bo bidawîkirina şerên li Sûriye, Filistîn û Îranê divê raya giştî ya navneteweyî bikeve nava tevgerê.&nbsp;

	&nbsp;

	*Divê mafên penaberan nebin mijara bazariyê, sepanên gotinên nefretê û paşveşandina bi darê zorê bên bidawîkirin.”&nbsp;

	&nbsp;

	Baroyê da zanîn ku rapora berfireh li ser malpera xwe parve kiriye.&nbsp;

	&nbsp;